Etti qymbatqa satyp beremin: Alaıaqqa aldanǵan óskemendik 4 mln teńge shyǵynǵa batty
ShQO polıtsııa departamenti baspasóz qyzmetiniń málimetine súıensek, Úlbi polıtsııa bólimshesine 40 jastaǵy áıel júgingen.
Óz sózinde ol qaladaǵy saýda úıleriniń birinde alaıaqtyq jolmen senimge kirgen beıtanys áıel adamǵa sıyr etin bergenin aıtty.
Jábirlenýshige kel gen materıaldyq shyǵyn mólsheri – 4 mln teńgeden asady.
«Belgili bolǵandaı, shahar turǵynyn áńgimege tartqan alaıaq óziniń iri sharýa qojalyǵy bar ekenin, oǵan etti qymbat baǵamen satýǵa kómektesetinin jetkizgen. Mundaı usynysty estigen azamatsha kóp oılanbastan taýardy bere salady. Áıel adam etti alǵannan keıin birneshe kún ishinde aqshany alyp kelýge ýáde bergen. Alaıda biraz ýaqyttan keıin múlde baılanysqa shyǵýdy qoıdy», - delingen habarlamada.
Jedel-izdestirý sharalary barysynda polıtsııa qyzmetkerleri 48 jastaǵy qala turǵynyn qolǵa túsirdi.
Atalǵan fakti boıynsha QR QK-niń 190-baby 3-bóligine sáıkes sotqa deıingi tergeý amaldary júrip jatyr.