Etnosaralyq saıasat eldegi reformalarmen úndes bolýǵa tıis - Toqaev

ASTANA. QazAqparat – Memleket basshysy Qasym-Jomart Toqaev Qazaqstan halqy Assambleıasynyń HHHІІ sessııasynyń otyrysynda etnosaralyq qatynas máselesin zaman talabyna saı retteý kerektigin atap ótti, dep habarlaıdy QazAqparat tilshisi.

«Qazir dúnıejúzindegi ahýal túbegeıli ózgerip jatyr. Jańa basymdyqtar paıda bolýda. Syrttan tóngen syn-qaterdiń betin qaıtarý asa ózekti máselege aınaldy. Memleketter úshin egemendikti qorǵaýdyń, ulttyq biregeılikti saqtaýdyń mańyzy arta tústi. Bul rette, etnosaıasat baıyppen júrgizilýi kerek. ıAǵnı tatýlyq pen birlik – tabysty memleket bolýdyń basty kepili. Sessııa aıasynda keshe naqty máselelerge arnalǵan pikirtalas ótkenin bilemin. Etnosaıasatta jahandyq jáne aımaqtyq úderister eskerilýge tıis ekeni aıtyldy», - dedi Qasym-Jomart Toqaev.

Prezıdenttiń paıymynsha, bul – óte oryndy usynys.

«Etnosaralyq qatynas máselesin zaman talabyna saı retteý qajet. Bul jumys aýqymdy reformalarmen úndes bolýǵa tıis», - dedi Memleket basshysy.

Sondaı-aq, Prezıdent búgingi jıynda separatızm qaýpi týraly oı qozǵady.