Etnosaralyq qatynastar salasynda jańa ádis-tásilder engizilmek
Ádistemelik keńes jumysyna Qazaqstan halqy Assambleıasy Tóraǵasynyń orynbasary - Hatshylyq meńgerýshisi M.Ázilhanov, QR AQDM Etnosaralyq qatynastardy damytý komıtetiniń tóraǵasy Ǵ.Shoıkın men Aqparat jáne qoǵamdyq damý mınıstrliginiń beıindi komıtetteri men vedomstvolyq baǵynysty uıymdarynyń ózge de basshylary qatysty.
Іs-sharany ashqan Marat Ázilhanov Qazaqstan halqy Assambleıasy men onyń barlyq qurylymdarynyń el birligin nyǵaıtýdaǵy mańyzdy róli týraly atap ótip, etnosaralyq qatynastar salasyndaǵy memlekettik saıasatty júrgizýde zamanaýı tásilderdi qoldaný qajettiligin basa aıtty:
«Memleket basshysynyń tapsyrmasyn oryndaý maqsatynda etnosaralyq salany basqarý qurylymyn óńirlik deńgeıde qaıta qalyptastyrý boıynsha jumys júrgizildi.
Qazaqstan halqy Assambleıasy men onyń Keńesiniń quramy jańartylyp, óńirlerdegi qoǵamdyq orynbasarlarǵa mindetterin aıqyndaý, sondaı-aq olardyń qyzmetin reglamentteý jáne naqtylaý boıynsha birqatar jumystar atqaryldy. Assambleıadan saılanǵan Májilis depýtattarynyń árqaısysyna naqty jumys baǵyty bekitilgen.
Dostyq úıleri QHA qoǵamdyq (halyqtyq) jobalaryn aqparattyq jáne uıymdastyrýshylyq qoldaý úshin materıaldyq-tehnıkalyq jáne uıymdastyrýshylyq resýrstyq bazaǵa aınalýy tıis ekenin atap ótkim keledi», - dedi M.Ázilhanov.
Óz kezeginde vıtse-mınıstr Serik Egizbaev qoǵamdaǵy sońǵy oqıǵalar men el ómirindegi ózgerister azamattyq qoǵam men etnosaralyq qatynastar salasyn odan ári damytýǵa jańa baǵyt bergenin atap ótti.
«Aǵymdaǵy jyly qoǵamdyq qundylyqtardy jańǵyrtý baǵytynda naqty aǵartýshylyq, áleýmettik jáne qoǵamdyq mańyzy bar jobalardy ilgeriletý qajet. Sondaı-aq, eldiń tutastyǵyn saqtaýǵa, ishki birlikti nyǵaıtýǵa baǵyttalǵan jobalardy keńinen qoldaý mańyzdy.
Sondyqtan maqsatty toptar arasynda aqparattyq-túsindirý jumystaryn júrgizýdiń tıimdiligin arttyrý, jastar men jastar uıymdaryn Dostyq úıleriniń qyzmetine tartý, memlekettik tildi etnosaralyq qarym-qatynas tiline aınaldyrýǵa járdemdesý qajet», - dedi spıker.
Onyń aıtýynsha, bul salada jumyssyz jastarǵa baǵyttalǵan júıeli jumysty kúsheıtý, olarǵa qosymsha bilim alýǵa, jumysqa ornalasýǵa yqpal etýge baılanysty jobalardy iske asyrýǵa qoldaý kórsetý mindeti tur.
Sondaı-aq, vıtse-mınıstr atalǵan saladaǵy basymdy baǵyttardyń biri retinde ulttyq qundylyqtardy dáripteý jáne jastardyń patrıottyq sezimderin arttyrý úshin Telegram, YouTube, TikTok sııaqty áleýmettik jelilerdiń múmkindikterin belsendi paıdalaný qajettigin atap ótti.
Sonymen qatar, S.Egizbaev óńirlik deńgeıdegi jergilikti úkimettik emes uıymdar úshin etnosaralyq taqyrypqa memlekettik áleýmettik tapsyrys jáne granttyq qarjylandyrý tetiginiń álsiz paıdalanylýyna nazar aýdardy.
Osy faktini eskere otyryp, ol azamattyq qoǵam ınstıtýttarymen ózara baılanysty kúsheıtýge shaqyrdy jáne Aqparat jáne qoǵamdyq damý mınıstrligi belgilengen baǵyttar boıynsha óńirlik «Qoǵamdyq kelisim» KMM qyzmetiniń tıimdiligin baǵalaý júıesin engizetinin aıtty.
«Qazirgi ýaqytta etnosaralyq qatynastar salasyndaǵy jumystar barysynda jáne is-sharalardy ótkizýde burynǵy «saltanatty« jáne «merekelik« stılden arylý kerek. Biz jańa ádisterdi izdestirýge kóńil aýdarýymyz kerek. Mysaly: aǵartýshylyq, eriktilik, qaıyrymdylyq jobalary jáne t.b.», – dep túıindedi S. Egizbaev.
Óz kezeginde, QR AQDM Etnosaralyq qatynastardy damytý komıtetiniń tóraǵasy Ǵalym Shoıkın «óshpendilik tiliniń» taralýynyń, onyń ishinde áleýmettik jeliler men ınternet-keńistikte aldyn alý men tózimsizdikti nasıhattaıtyn jáne zorlyq-zombylyqqa ıtermeleıtin tilge qarsy is-qımyl ádisterine qatysty baıandama jasady.
Sóz sońynda Ǵ.Shoıkın memleket pen azamattyq qoǵam tarapynan birlesken sharalardy qabyldaý boıynsha naqty usynystaryn aıtty.
QR AQDM «Qoǵamdyq kelisim» RMM dırektory Ǵalymjan Qusmanǵalı 2022 jylǵa arnalǵan óńirlik KMM men Dostyq úıleri basshylaryna birqatar mindetter qoıdy. Atap aıtqanda, etnomádenı birlestiktermen jumysty kúsheıtý, jergilikti jerlerde QHA qoǵamdyq qurylymdarynyń qyzmetin jetildirý, júrgizilip jatqan jumysty túsindirý barysynda jańa medıa quraldaryn keńinen paıdalaný kerektigin jetkizdi.
Sondaı-aq ádistemelik keńes otyrysynda etnosaralyq taqyrypty aqparattyq jarııalaý, jastardyń bastamalaryn qoldaý jáne jastar jobalaryn iske asyrý, memlekettik áleýmettik tapsyrys, granttar jáne t. b. tetikterdi paıdalana otyryp, etnomádenı birlestiktermen jáne úkimettik emes uıymdarmen ózara is-qımyldy arttyrýdyń ózekti máseleleri qaraldy.
Atalǵan is-shara Qazaqstan Respýblıkasynyń Prezıdenti - Qazaqstan halqy Assambleıasynyń Tóraǵasy Q.Toqaevtyń 2021 jylǵy 21 qazanda Qazaqstan halqy Assambleıasy Keńesiniń otyrysynda etnosaralyq kelisimdi nyǵaıtýǵa baǵyttalǵan sharalardy iske asyrý jónindegi bergen tapsyrmalaryn oryndaý maqsatynda uıymdastyrylǵanyn atap ótken jón.