Etnosaralyq qatynastar máselesimen aınalysatyn Jetekshi jýrnalıst-sarapshylar klýbynyń birinshi otyrysy ótedi

ASTANA. Maýsymnyń 24-i. QazAqparat - Búgin QR Baılanys jáne aqparat mınıstrligi Baspasóz, teledıdar jáne radıo kúni qarsańynda Qazaqstan halqy Assambleıasynyń hatshylyǵymen birlesip,

Qazaqstan halqy Assambleıasy janyndaǵy etnosaralyq qatynastar máselesimen aınalysatyn Jetekshi jýrnalıst-sarapshylar klýbynyń birinshi otyrysyn ótkizedi.

Alqaly jıynǵa Baılanys jáne aqparat mınıstri Asqar Jumaǵalıev jáne Qazaqstan halqy Assambleıasy Tóraǵasynyń orynbasary -hatshylyq meńgerýshisi Eraly Toǵjanov qatysady.

Kezdesý aıasynda Qazaqstannyń el birligi doktrınasyn júzege asyrý, sonymen qatar birtutas aqparattyq keńistiktiń qurylý máseleleri talqylanyp qarastyrylady dep josparlanyp otyr.

Oǵan qosa tústen keıin otyrysqa qatysýshylar úshin «Kazahstanskaıa pravda» respýblıkalyq qoǵamdyq-saıası gazetiniń bas redaktory T.Kostına atalǵan basylym betterinde etnosaralyq kelisimniń qazaqstandyq modeli: janr, taqyryptar, aıdarlar» taqyrybyndaǵy sheberlik sabaǵyn ótkizedi.

Sondaı-aq kásibı merekeniń qarsańynda etnosaralyq qatynastar tóniregindegi máselelerdi keńinen nasıhattaǵan BAQ ókilderi Qazaqstan halqy Assambleıasynyń Alǵys hatymen marapattalady.