Etnomádenı birlestikterge talap kúsheıtiledi
«Birlik qaı elgede kerek erekshe uǵym. Birlik jas elge, biz sııaqty kóp dindi elge asa qajet. Ásirese, qazirgideı dúnıe dúbirlep, jer jahannyń jaısyz kúıge túsip turǵan zamanda. Sondyqtan Elbasymyz Nursultan Nazarbaev osy máselege erekshe kóńil bólip, óziniń barlyq sózderinde Assambleıanyń Qazaqstandaǵy birlik pen tatýlyqty kúsheıtýge qosatyn rólin erekshe atap ótedi», - dedi Májilis depýtaty.
Ol qoǵamda bolyp jatqan ózgeristerge, rýhanı jańǵyrýǵa, etnosaralyq qarym-qatynasty jetildire túsýge baılanysty «Qazaqstan halqy Assambleıasy týraly zańǵa ózgerister men tolyqtyrýlar engizý qarastyrylyp jatqanyn aıtty. Sonymen qatar, keıbir túzetýlerge toqtaldy.
«Mysaly, bir oblystyń deńgeıinde jumys isteıtin etno-mádenı birlestikter jergilikti, al 8 oblysta jumys isteıtin etno-mádenı birlestikter respýblıkalyq bolyp sanalady. Sodan keıin kóptegen jyldar boıy tirkelip, biraq is júzinde naqty jumys jasamaı otyrǵan etno-mádenı birlestikter bar. Olardyń jumystaryna talap kúsheıtiledi. Olar qoǵamdyq akkredıtatsııadan ótkiziledi. Bul olardyń jumysyn jandandyrýǵa sebep bolady», - dedi Saýytbek Abdrahmanov.
Aıta keterligi, otyrysqa QR Memlekettik hatshysy Gúlshara Ábdiqalyqova, QHA tóraǵasynyń birinshi orynbasary - Hatshylyq meńgerýshisi L.Prokopenko, QR Parlamenti Májilisiniń depýtattary, ortalyq jáne jergilikti atqarýshy organdardyń basshylary, QHA keńesiniń músheleri, qoǵam qaıratkerleri, ǵylymı jáne shyǵarmashylyq zııalyq qaýym ókilderi qatysty. Іs-shara barysynda assambleıa qyzmetiniń óńirlerdegi tájirıbesi, QR Parlamenti Májilisiniń QHA depýttattyq tobynyń jáne «Ázerbaıjan qaýymdastyǵy» respýblıkalyq qoǵamdyq birlestiginiń jumysy, ári basqa da uıymdastyrý máseleleri qaraldy.