Etnomádenı birlestikterge bıyl bıýdjetten 1,2 mlrd teńgeniń granty bólingen

ASTANA. QazAqparat – Premer-Mınıstrdiń orynbasary – Eńbek jáne halyqty áleýmettik qorǵaý mınıstri Tamara Dúısenova Senat depýtattarynyń saýalyna bergen jaýabynda etonomádenı birlestikterge qansha grant bólinip júrgenin aıtty, dep habarlaıdy QazAqparat tilshisi.

«Qazaqstan halqy Assambleıasynyń etnomádenı birlestikteri qoǵamdyq birlestik retinde tirkeledi jáne úkimettik emes uıym bolyp esepteledi. Úkimettik emes uıymdardy qarjylaı qoldaý qoldanystaǵy zańnama boıynsha konkýrstyq negizde iske asyrylady. 2023 jyly Aqparat jáne qoǵamdyq damý mınıstrligi granttar arqyly qarjylandyrý aıasynda 57 grant jobasyn iske asyrady. Olardyń jalpy quny 1,2 mlrd teńge bolady», - dep jazady Tamara Dúısenova.

Vıtse-premerdiń málimeti boıynsha, 2022 jyly 60 grant jobasy júzege asyrylyp, 1,96 mlrd teńge jumsalǵan.