Etnomádenı birlestikterdiń jastary qazaq tili boıynsha bilimderin damytýda

NUR-SULTAN. QazAqparat - 28 maýsym men 2 shilde aralyǵynda Qazaqstan halqy Assambleıasy etnomádenı birlestikterdiń jas ókilderi úshin qazaq tilin qoldanýyn keńeıtý maqsatynda arnaıy jazǵy oqytý baǵdarlamany uıymdastyrdy. Bul týraly QazAqparat Aqparat mınıstrligine silteme jasap habarlaıdy.

Atap aıtqanda, elimizdiń túkpir — túkpirinen 50-ke jýyq bala men túrli etnostardyń jastary Pavlodar oblysynyń kórkem jeri - Baıanaýyl ulttyq saıabaǵynda ótken «QHA etnomádenı birlestikterine arnalǵan Til mektebine» qatysty.

Mekteptiń maqsaty - memlekettik tildiń etnosaralyq qarym-qatynas quraly retinde qoldanýyna atsalysý.
Osylaısha, uıymdastyrylǵan sabaqtarda memlekettik til týraly jastardyń bilimderin shyńdap qana qoımaı, sonymen óz etnostarynyń mádenıeti, tarıhy, ashanasynyń erekshelikterimen tanystyrý, jarys oıyndary formattarynda, sondaı-aq Pavlodar oblysynyń kórikti jerlerin zerdeleý barysynda memlekettik tildi qoldaný aıasyn keńeıtýge múmkindik aldy.

Jobaǵa bilim berý ortalyqtarynyń ádiskerleri, jattyqtyrýshylary, Dostyq úıleriniń qyzmetkerleri, memlekettik tildi oqytý ádistemeleriniń avtorlary, pedagogtar men etnopsıhologtar tartyldy.
Tildik mekteptiń barlyq qatysýshylary tıisti sertıfıkattarǵa ıe boldy.