Etno-fashion sán festıvalinde 9 jasar dızaınerdiń eńbekteri usynyldy
«Etno-fashion» Assambleıa sán festıvali etnostyq elementteri bar kıim úlgilerin nasıhattaýmen erekeshelenedi.
«Kúndelikti kıim úlgisine, sondaı-aq jastardyń, keńse kıimderine ulttyq elementterdi qosý arqyly jańa úlgi qalyptastyrýdy maqsat ettik. Biraq bul biryńǵaı kıim úlgisin shyǵarý degen sóz emes. Festıval qatysýshylary Qazaqstannyń barlyq oblysynan kelip otyr. Bıylǵy festıvalde tájirıbeli dızaınerler qatar jas sheberler óz buıymdaryn tanystyrady. Sondaı-aq kásipkerlerdi qonaqqa shaqyryp, qatysýshylar men ónerdi qoldaıtyn adamdar arasynda ózara dıalog qurýdy kózdedik», - dedi «Qoǵamyq kelisim» KGÝ dırektory orynbasary Hadısha Erseıitova.
Al festıvaldiń eń jas qatysýshysy 9 jasta. Aqtóbeden kelgen Áıgerim Muratqyzy kollektsııasyn «Balaýsa» dep atapty. Anasynyń aıtýynsha, bul onyń alǵashqy qadamy eken.
«Ózim is tigemin. Dızaınerlik kıimderdi tigetin fırmamyz bar. Áıgerim 3 jyl boldy kishkentaı kezinen sýret salady. Shyǵarmashylyqqa jaqyn bolyp ósti. Osy joly Áıgerimniń eskızderin tigip shyǵardyq. Búgingi jumystardyń eskızin qyzym usynǵan. Onyń sýretterin paltonyń aldyna, arqasyna júnmen, jippen órnektep saldyq. Búgingi festıvalge 12 eskız ákeldik. Іshinde anasy men qyzyna arnalǵan 4 kıim úlgisi bar», - dedi anasy Aınagúl Mázimova.