Etin jemek bolǵan: Óskemen turǵyny aıý atyp aldy

<p>Shyǵys Qazaqstan oblysynyń polıtseıleri Novo-Troıtskoe aýdanynda zańsyz ań aýlaýmen aınalysqan Óskemen qalasynyń 37 jastaǵy turǵynyn ustady, dep habarlaıdy&nbsp;<a href="https://kaz.inform.kz/" target="_blank" rel="noopener">QazAqparat.</a></p>

Er adam aıýdy etin jeý úshin atyp alǵanyn aıtqan.

Tártip saqshylary oqıǵa ornynan ruqsat qujattary bar 12 kalıbrli Ataarms jáne 308 kalıbrli Zauermod myltyqtaryn, kvadrotsıkl men aıýdyń ushasyn tárkiledi. Keıin olar veterınarlyq zerthanaǵa saqtaýǵa berildi.

Kúdiktige qatysty «kelýge mindetteý» túrindegi protsessýaldyq májbúrleý sharasy sanktsııalandy.

«Fakti boıynsha QR Qylmystyq kodeksiniń 337-baby 1-bóligimen (Zańsyz ańshylyq) qylmystyq is qozǵaldy. Atalǵan bap úsh jylǵa deıingi merzimge bas bostandyǵynan aıyrý túrindegi jazany qarastyrady», - delingen polıtsııa málimetinde.