Estrada juldyzdary turǵyn alaptaryndaǵy Naýryz meıramyna qatysty
Kontsertke qazaqstandyqtardyń súıikti ánshileri Klara Tólenbaeva, Dosymjan Tańatarov, Asqar Jaılaýbaevqatysty. Olar óz repertýarlaryndaǵy keńinen tanymal belgili estradalyq kompozıtsııalardy oryndady. Munymen qosa, jınalǵan qaýym Astana qalasynyń Memlekettik akademııalyq fılarmonııasynyń solısteriPerızat Turarovanyń, Janargúl Rahatqyzynyń, Jaqsykeldi Maıasarovtyń, Prezıdent orkestriniń solısti, halyqaralyq konkýrstardyń laýreaty Aızat Karabekovanyń, daryndy dombyrashy Qurmanǵazy Baıtasovtyń jáne vokalıst Mádına Ahmetovanyń, Aıdana Smahanovanyń, Baýyrjan Nurymbetovtyń, Oljas Sabıjannyń, Áıgerim Hasanovanyń jáne Ásem Omarovanyń shyǵarmashylyǵymen tanysty. «Dabyl», «Saryarqa», «Dáýir», «Retro», «BÝM» toptary, «Alaman» men «Z» trıolary, «Dıart» jáne «Bastaý» aspapty ujymdary, «Art Music»kvarteti syndy elimizdiń tanymal shyǵarmashylyq ujymdary kópshilikke kóterińki kóńil-kúı syılady.
Belgili ánshi Klara Tólenbaeva qala turǵyndaryn merekemen quttyqtady: "Keıingi eki jylda Astananyń mańaıyndaǵy turǵyn alaptaryn aralap, kontsert berip júrmiz. Bul tek Naýryzda ǵana ótetin shara emes, qala kúninde de, byltyrǵy EKSPO ýaqytynda da uıymdastyrylǵan kontsertterge de qatystyq. Bul jolǵa qoıylǵan óte jaqsy joba dep oılaımyn, óıtkeni shetki aýdandardaǵy turǵyndardyń qala ortalyǵynda bolyp jatqan kontsertterge jıi qatysýǵa múmkindigi bola bermeıdi. Mundaı is-sharalar halyqtyń kóńilin kóteredi, kórermen merekeni sezinedi. Ózimiz de marqaıyp qalamyz, aqsaqaldar, apalar, tipti kishkentaı búldirshinder kelip, bar nıetimen, shyn yqylasymen ánińdi tyńdaıdy, bul bizge úlken mártebe, ári shabyt beredi. Naýryz - tirshiliktiń bastaýy, kózi, barlyq nárseniń jańaryp, kún men túnniń teńeletin ýaqyty, qazaqtyń aıtýly tól merekesi. Sondyqtan búkil halyq bolyp Naýryzdy erekshe kútemiz. Bul - otbasylyq mereke, tatýlyqqa, bereke-birlikke shaqyratyn meıram. Barsha qazaqstandyqtardy Ulystyń uly kúnimen shyn júrekten quttyqtaımyn".
«Mereke ortaq. Biraq Astanada keremet dýmandy is-sharalar ótip jatqanymen, qalanyń qasyndaǵy eldi-mekenderdiń turǵyndary oǵan kóp bara bermeıdi. Sondyqtan osy turǵyn alaptarynda kontsert ótkizý quptarlyq dúnıe, meni qýantqan bastama. Turǵyn alaptarynyń kórermenderiniń kelgen ónerpazdarǵa degen kózqarasy, iltıpaty erekshe jyly. Naýryz - eldi yntymaqqa, aýyzbirlikke shaqyratyn shýaqty meıram. Ulys oń bolsyn, aq mol bolsyn, merekeli kúnderimiz kóp bolǵaı», - dep Dosymjan Tańatarov tilegin jetkizdi.
«Іńkárim» ansambliniń bıi merekelik kontserttiń kórkin keltirdi. Sharany tamashalaýǵa kelgen turǵyn alaptarynyń turǵyndary kóńildi fleshmobtarǵa belsene qatysyp, «Qara jorǵa» halyq bıin oryndady.
Sonymen qatar, sahna tórinde qazaq halqynyń ulttyq salt-dástúrleri de kórsetildi. Dástúrli jabdyqtar qoıylǵan ádemi kıiz úıler alystan-aq kózdiń jaýyn alady. Sharaǵa kelýshiler úshin merekelik dastarqannyń basty taǵamy - naýryz kóje, palaý men ystyq baýyrsaq daıyndaldy.
Naýryz merekesi ulttyq sport túrlerinen jaryssyz ótpeıdi. Bul jola qala turǵyndary men qonaqtary arqan tartý, toǵyzqumalaq zııatkerlik oıynynda sheberlik baıqasty. Budan basqa, jınalǵandar arasynda gir kóterý, armrestlıng, shahmat jáne doıbydan jarys uıymdastyryldy. Jarysqa qatysýshylar kóp boldy.
Shara aıasynda Mıchýrıno turǵyn alabynyń «Mıras» aýla klýbynyń tárbıelenýshileri qazaq kúresiniń aıla-amaldaryn kórsetti, sonymen qatar Promyshlennyı turǵyn alabynda ornalasqan «San-Sıro» fýtbol mektebiniń tárbıelenýshileri fýtboldan týrnır ótkizdi.
«Bul jerde kóp halyq turady. Naýryz jyl saıyn toılanady, keremet ánshiler kelip ónerin pash etedi. Bıyl mine mereke balalarǵa, turǵyndardyń dem alýy úshin arnaıy salynǵan jańa sporttyq-oıyn alańy bar shaǵyn saıabaǵymyzda ótýde. Qys boıy kórmegen tanystarymyzdy kezdestirip, arqa-jarqa bolyp qaldyq. Bul is-sharanyń óskeleń urpaq úshin de zor tárbıelik máni bar, salt-dástúrimiz kórinis tabady, ulttyq oıyndarymyz uıymdastyrylady. Óte qýanyshtymyz», - dedi «Promyshlennyı» alabynyń turǵyny Yrysty Kenjebekova.
Elordanyń turǵyn alaptaryndaǵy Naýryz meıramyna oraılastyrylǵan halyqtyq serýender 21 naýryzda jalǵasyn tabady. Bul kúni saǵat 11.00-de Prıgorodnyı jáne Úrker turǵyn alaptarynda kóktem merekesine arnalǵan kontsertter uıymdastyrylady. 22 naýryzda osy sııaqty sharalar Kóktal-1 jáne Óndiris turǵyn alaptarynda, al 23 naýryzda Saraıshyq shaǵyn aýdanynda ótedi.