Estrada juldyzdary men qoǵam belsendileri leıkemııaǵa shaldyqqan balalar úshin qan tapsyrady
18 mamyr - 14 maýsym aralyǵynda kez-kelgen adam Almatydaǵy Ótepov kóshesindegi Respýblıkalyq qan ortalyǵyna kelip qan tapsyra alady.
«Hot Blood challenge» aktsııasy tártibi boıynsha, donor qan tapsyryp bolǵannan keıin estafetany óziniń áriptesine ne dostaryna berýi tıis. Olardyń qatarynda tanymal juldyzdar da bar.
Osyǵan oraı 18 mamyr saǵat 11.00-de donor kúnine arnalǵan «Seniń kúniń, Donor!» jyl saıynǵy respýblıkalyq qaıyrymdylyq aktsııasynyń baspasóz-máslıhaty ótedi.
Respýblıkalyq qan ortalyǵynyń habarlaýynsha, Qazaqstanda erikti donorlardyń qatary 65%-ǵa ósken. 2014 men 2016 jyldar aralyǵynda donorlar sany 216 000- nan 226 910-ǵa deıin artqan. Jyl saıyn álemde 200 myń bala qaterli isik aýrýymen aýyrady, olardyń júzge jýyǵy zamanaýı em qabyldaýǵa múmkindigi bolmaǵandyqtan kóz jumady. Jyl saıyn álem boıynsha 92 mıllıon donatsııa tirkeledi. 62 elde eriktilerdiń 100% qan qory saqtalady. 40 elde 25% jýyq ulttyq qan qorynyń úlesi bar.
Joba úılestirýshisi Sahova Gúlzattyń aıtýynsha, atalmysh aktsııanyń kómegimen uıymdastyrýshylar donorlyqty jalpyulttyq is deńgeıine kóterýdi maqsat tutady.
«Dúnıejúzilik densaýlyqty saqtaý uıymynyń kórsetkishi boıynsha emdeý ortalyqtarynyń qan qoryn toltyrý úshin 1 myń adamǵa 50 donordan kelýi tıis. Qazaqstanda qazirgi ýaqytta 1 myń adamǵa 18 donordan keledi. Sońǵy eki jylda osy tektes qaıyrymdy aktsııalar elimizde donorlyqqa degen oń kózqarastyń týýyna sebepshi boldy. Byltyr «Seniń kúniń, Donor!» aktsııasy barysynda jalpyqoǵamdyq atsalysýdyń arqasynda 1 800 lıtr qan jınaldy», - dedi ol.