Estrada juldyzyn jańajyldyq keshke shaqyrý qansha turady

<p>Jańa jylǵa sanaýly kún qaldy. Meıram aldyndaǵy qarbalas bastalyp ta ketken. Biri týǵan-týysyna syılyq ázirlese, endi biri jańajyldyq keshke kıetin sándi kıim izdep álek. Al jańajyldyq korporatıvter qyzyqty ótýi úshin keıbir mekeme-uıymdar estradalyq juldyzdardy shoý-baǵdarlamaǵa qatysýǵa aldyn ala shaqyrady. Bıyl estrada juldyzdarynyń gonorary qansha? <a href="https://kaz.inform.kz/" target="_blank" rel="noopener">Kazinform</a> tilshisi eń qymbat ártis kim ekenin bildi.</p>

Estrada juldyzyn jańajyldyq korporatıvke ekiniń biri shaqyra bermeıdi, óıtkeni qaltasy kótermeıdi. Desek te, osyndaı keshte tanymal ánshiniń ánine bıleý úshin qansha qarajat kerektigi qyzyqty.

Foto: Vıktor Fedıýnın/Kazinform

Toptamamyzdy estradanyń korıfeıi Roza Rymbaevadan bastasaq. Ánderimen esimi álemge tanylǵan Roza Qýanyshqyzy, sondaı-aq kınoǵa da tústi, izbasarlar tárbıelep júrgen pedagog, professor jáne Qazaqstannyń altyn daýysy. Roza Rymbaevanyń bir keshte án aıtqany búginde 10 myń AQSh dollary nemese 4,6 mln teńge shamasynda turady. Al eger basqa qalaǵa shaqyratyn bolsańyz, onda eki adamnyń jolyn, tamaǵyn, qonaq úıin de tóleýge týra keledi.

Foto: instagram.com/zhugunussov.mj

Mıras Júginisov. Daryndy jas oryndaýshynyń ánderi sońǵy kezderi úzdikterdiń qatarynan túspeı keledi. Mahabbat, sezim týraly lırıkalyq týyndylary tyńdaýshylarynyń joǵary baǵasyn aldy, keshte onyń «Zymyran», «Roman», «Shyda» jáne t.b. ánderin tyńdaý úshin 4,7 mln teńge tóleýge týra keledi.

Foto: instagram.com/kair_n

Qazaqstandyqtardyń súıikti ánshisi Qaırat Nurtas «Keshir meni», «Ekeýmiz», «Seni súıem», «Ana», «Janym» jáne basqa da kóptegen hıt-ánderdiń oryndaýshysy. Ol 10 000 AQSh dollaryna nemese 4,6 mln teńgege án aıtýǵa daıyn. Juldyzdyń baryp-kelý shyǵynyn da shaqyrýshy jaq kóteredi.

Foto: instagram.com/jahkhalib

Qazaqstanda týǵan tanymal rep ártisi, bıtmeıker jáne prodıýser Jah Khalib búginde shetelde tanymal juldyz. «Na svoeı volne», «ZNNKN», «Sunshine Lady», «Sozvezdıe angela», «Melodııa», «Leıla», «Medına», «Djadýa» trekteri jastar arasynda hıt boldy. Sondyqtan sáıkesinshe juldyzdy keshke shaqyrý úshin 60 000 AQSh dollaryn nemese 27,4 mln teńge tóleý qajet.

Foto:instagram.com/toregalitoreali

Ánshi Tóreǵalı Tóreáli jańa jyldyq korporatıvte 4,5 mln teńgege óner kórsetýge daıyn. Ushaq bıleti, qonaq úıde turýy men tamaqtanýy bólek tólenýi kerek. Ol sahnaǵa eki ret shyǵyp, jalpy segiz án oryndamaq.

Foto: vk.com/aikyn_tolepbergenovv

Ánshi jáne akter Aıqyn Tólepbergen is-sharalarda 2 mln teńgege án aıtady. Sondaı-aq, raıderi bar jáne eki adamnyń jol, qonaq úı jáne basqa shyǵyny da shaqyrýshy jaq esebinen bolmaq.

Foto: instagram.com/erke_esmahan

Ánshi, aktrısa, kóptegen tanymal ánderdiń oryndaýshysy Erke Esmahan jaqynda ǵana ana atanǵanyna qaramastan jańajyldyq korporatıvte án aıtýǵa daıyn. Juldyzdy keshke shaqyrý quny - 4 mln teńge.

Foto: instagram.com/irinakairatovna

«Irına Kaıratovna» jastar tobyn festıvalder men aýqymdy is-sharalardan jıi kórýge bolady. Bul toptyń ánderi eshkimdi beıjaı qaldyrmaıdy. Al ánshilerdi keshke shaqyrý 50 000 AQSh dollary nemese 22,9 mln teńge shamasynda turady. Bul mindetti turmystyq jáne tehnıkalyq raıderdi eseptemegende.

Foto: instagram.com/aakha23

Bizdiń tizimdegi taǵy bir jas ánshi – Akha. Onyń «Dýra», «ıAnvar», «Zakryvaıý glaza», «Kakaıa ty krasıvaıa» ánderi búginde jastar arasynda hıtke aınalǵan. Akha-nyń jeńil jáne jaǵymdy mýzykasy aǵa býynǵa da unaıdy. Onyń keshte án aıtý quny, raıderdi esepke almaǵanda – 3 mln teńge.

Foto: instagram.com/yenleak

Jas reper Yenlik – juldyzy endi janǵan jas ártisterdiń biri. Ol – óziniń «Dop», «Shukir», «Esep» hıtteriniń avtory. Reper bir keshte án aıtý úshin 3 mln teńge suraıdy, budan basqa raıderi bar.