Estonııa Qazaqstanmen ınnovatsııalyq yntymaqtastyqty nyǵaıtýǵa múddeli
«Qazaqstan óziniń ekonomıkalyq modelin jańǵyrtý men ártaraptandyrý turǵysynda batyl qadamdar jasady. Osy oraıda, sheteldik tikeleı ınvestıtsııalardyń jańa túrleri tartyldy. «Qazaqstan-2050» Strategııasynda ınvestıtsııalarǵa, tsıfrlandyrýǵa basymdyq qoıylǵan. Biz de Estonııada osy baǵytqa umtylys jasap otyrmyz», - dep toqtaldy ıÝrı Ratas.
Sonymen qatar, ol jumysy resmı iske qosylǵan «Astana Hub» halyqaralyq ІT-startaptar tehnoparkine qatysty óz pikirin bildirdi.
«Astana Hub» salany damytýǵa óz úlesin qosady dep úmittenemin. «Mektorı» (Estonııadaǵy ınnovatsııalyq ortalyq) úlgisindegi Estonııanyń tájirıbesi ınnovatsııa men kásipkerlik yntymaqtastyǵy úshin jaqsy negiz bolady dep senemiz», - dedi ıÝ. Ratas.
Budan buryn habarlanǵandaı, Elbasy Nursultan Nazarbaevtyń qatysýymen «Astana Hub» halyqaralyq ІT-startaptar tehnoparkiniń jumysyn resmı iske qosý sharasy ótti.
Saltanatty shara barasynda Prezıdent 2019 jyldyń 1 qańtarynan Qazaqstanda jańa ІT-ýnıversıtet jumys isteıtinin málim etti.
Aıta keteıik, Astana Hub mıssııasy - el ekonomıkasyn nyǵaıtý úshin startap-mádenıetti damytý jáne joǵary tehnologııalyq jobalardy qoldaý. Aldaǵy ýaqytta tehnopark Qazaqstan ınnovatsııasynyń ekojúıesin damytýdyń ózegi ári lokomotıvine aınalyp, tehnologııalyq bıznesti damytý úshin halyqaralyq deńgeıde moıyndalǵan hab bolýy qajet. Jalpy Astana Hub 2022 jylǵa qaraı startap-rezıdentterdi ınvestıtsııalaý kórsetkishin 67 mlrd teńgege jetkizýdi maqsat etip otyr.