Estafeta: Mádenıet mınıstri Jumeken Nájimedenovtiń óleńin oqydy
20:18, 10 Mamyr 2020
NUR-SULTAN. QazAqparat - QR Mádenıet jáne sport mınıstri Aqtoty Raıymqulova #JUMEKEN85 jyr estafetasyna qoldaý bildirdi, dep habarlaıdy QazAqparat tilshisi.
«Bıyl qazaqtyń birtýar aqyny Jumeken Nájimedenovtiń týǵanyna 85 jyl. Osynaý ıgilikti is-sharaǵa baılanysty «Atyraý» telearnasy #JUMEKEN85 jyr estafetasyn bastaǵan bolatyn. Óleń oqý chellendjin kompozıtor, mýzykatanýshy, professor Ilıa Jaqanovtan qabyldap alǵan QR Mádenıet jáne sport mınıstri Aqtoty Raıymqulova estafetany Ulyqbek Esdáýletov, Tólegen Muhamedjanov, Talǵat Temenov, Maıra Muhamedqyzy syndy óner jáne mádenıet maıtalmandaryna joldady», - delingen mınıstrliktiń Facebook-paraqshasynda jarııalanǵan aqparatta.
Mádenıet mınıstri Aqtoty Raıymqulova J.Nájimedenovtiń «Meniń elim» týyndysynan úzindi oqyp berdi.