Esirtki zerthanasyn jasaǵan 52 jastaǵy Qyzylorda turǵyny 12 jylǵa sottaldy

<p>QYZYLORDA. KAZINFORM - Qyzylorda oblysynda polıtsııa qyzmetkerleri jedel-izdestirý is-sharalaryn júrgizý barysynda jergilikti turǵyn uıymdastyrǵan esirtki zerthanasyn anyqtady.</p>

Oqıǵa ornynda 52 jastaǵy er adam ustaldy. Ol saraıdyń ishinde qabyrǵasy plastık folgamen qaptalǵan esirtki zerthanasyn jasaǵan. Tekserý kezinde esirtki ósirýge arnalǵan jaryqdıodty jaryqtandyrý qurylǵylary men sýarýǵa qajetti qural-saımandar tárkilendi.

- Zerthana ishinen 214 túp qarasora ósimdigi zattaı dálel retinde alyndy. Saraptama qorytyndysyna sáıkes tárkilengen esirtkiniń jalpy salmaǵy tórt kelige jýyq bolǵan. Sonymen qatar keptirilgen shóp tárizdes erekshe hosh ıisi bar zattar anyqtaldy. Atap aıtqanda, 8 gazet qıyndysyna, 6 polıetılen paketine jáne plastıkalyq bótelkege salynǵan esirtki tabyldy. Saraptama nátıjesi boıynsha olardyń jalpy salmaǵy 5,4 keliden astam keptirilgen marıhýana jáne 4,65 gramm gashısh ekeni abelgili boldy. Aıyptalýshy tergeý kezinde qamaýda boldy, - dep málim etti Qyzylorda oblystyq polıtsııa departamentinen. 

Sot sheshimi boıynsha ol 12 jylǵa bas bostandyǵynan aıyryldy. Qyzylordalyq turǵyn jazasyn qylmystyq-atqarý júıesi mekemesinde óteıdi. 

Eske salsaq, budan buryn Qyzylordada mal urlyǵyn kásip etken qylmystyq top qolǵa tústi.