Esirtki saýdasyna qatysy bar Taraz turǵyny 200 býma sıntetıkamen ustaldy

<p>TARAZ. KAZINFORM &ndash; Jambyl oblystyq polıtsııa departamenti jáne Taraz qalasy prokýratýrasynyń qyzmetkerleri oblys ortalyǵynyń Abaı kóshesinde jedel izdestirý is-sharalaryn ótkizý barysynda 24 jastaǵy jergilikti turǵyndy ustady. &nbsp;</p>

Er adamnan ishinde usaq krıstaldy untaq zat bar býyp-túıilgen 200 oram tabylyp, tárkilendi.
Sondaı-aq onyń turǵylyqty jerin tintý barysynda ishinde iri krıstaldy untaq zaty bar 3 paket, eki oram as úı falgasy, elektrondyq tarazy, 1 000 dana «ZIP» paket jáne túrli-tústi 20 ızolentasy bar polıetılen paketi tabyldy. 

Tergeý barysynda er adam áleýmettik jelidegi qosymshalardyń birinde tirkelgenin kórsetti. Onda belgisiz adam oǵan esirtkini baryp alý kerek oryndar kórsetilgen mekenjaılardyń sýretterin jiberip otyrǵan. Sodan keıin olardy býyp-túıip orap, tapsyrma boıynsha jasyryn oryndarǵa qoıýmen aınalysqan, ár taratylǵan taýar úshin kartasyna tólemaqy túsken. 

«Saraptama qorytyndysyna sáıkes, tabylǵan zattar jalpy salmaǵy 52,57 gramm «Alfa PvP» sıntetıkalyq esirtkisi shyqty. Atalǵan derek boıynsha polıtsııa qyzmetkerleri sotqa deıingi tergep-tekserýdi bastady. Kúdikti kinásin moıyndap, Taraz qalasynyń ýaqytsha ustaý ızolıatoryna qamaqqa alyndy», - dedi Jambyl oblysy PD Esirtki qylmysyna qarsy is-qımyl basqarmasynyń bastyǵy polıtsııa polkovnıgi Álim Bajyqbaev.