Esikti syndyryp, shlagbaýmdy buzǵan: Astanada birneshe buzaqy tabylyp, jazalandy

<p>Elordada vandalızmmen kúres jumysy belsendi júrgizilip jatyr. Qoǵamdyq tártipti buzǵandar jedel túrde tabylyp, jaýapqa tartyldy, dep habarlaıdy <a href="https://kaz.inform.kz/" target="_blank" rel="noopener">Kazinform </a>Astana ákimdiginiń resmı saıtyna silteme jasap.&nbsp;</p>

Tańǵy saǵat 6:00 shamasynda úsh jas jigit elordanyń turǵyn úı keshenderiniń biriniń kireberisine kirgen. Olardyń biri MIB-tiń tehnıkalyq bólmesiniń esigin tepkilep, qatty zaqymdady. Keltirilgen zalal 76 myń teńgege baǵalandy. Kináli adam tabylyp, oǵan QR ÁQBtK-niń 147-1-baby boıynsha hattama jasaldy. Sot oǵan 69 myń teńge aıyppul saldy.

Sonymen qatar belgisiz júrgizýshi aýlaǵa kirý úshin shlagbaýmdy buzyp ótken. Er adamǵa 14 AEK kóleminde aıyppul salyndy.

Jyl basynan beri elordalyq polıtseıler júzden astam osyndaı zań buzýshylyqty anyqtady.

Vandaldarmen kúreske quqyq qorǵaý organdarymen birge elordalyq eriktiler, belsendiler, tanymal sportshylar da jumyldyrylady. «Toqta, vandal» aktsııasy aıasynda olar reıd ótkizip, onyń barysynda buzýshylardy anyqtaıdy jáne turǵyndar arasynda túsindirý júrgizedi.