Esik kólindegi bóget memleket menshigine ótti

<p>QONAEV. KAZINFORM &ndash; Satyp alý quqyǵynsyz 49 jyl merzimge senimgerlik basqarýǵa berilgen Esik kólindegi bóget Almaty oblysynyń kommýnaldyq menshikke qaıtaryldy.</p>

Almaty oblysy ákimdiginiń baspasóz qyzmeti málim etkendeı, 2019 jyly Esik kólindegi bóget satyp alý quqyǵynsyz 49 jylǵa senimgerlik basqarýǵa berilgen. Ýchaskeniń aýmaǵy - 141,643 gektar. 

Shart «Qazelektroenergııa» JShS-men 1 mlrd 052 mln teńgege jasalǵan. 

«2023 jyly Almaty oblysynyń qarjy basqarmasy mindettemelerdiń oryndalýyna baqylaý júrgizý barysynda «Qazelektroenergııa» JShS-niń sharttyq mindettemelerdi tıisinshe oryndamaǵanyn anyqtady. Onyń ishinde qarjylyq qyzmet, atqarylǵan jumys týraly esepter, kóldi tazartý boıynsha josparlanǵan jóndeý jumystary bar. Sondaı-aq ýáde etilgen jumys oryndaryn ashpaǵany belgili boldy», - dep habarlady oblystyq ákimdikten. 

Osyǵan baılanysty vedomstvoaralyq komıssııa qurylyp, otyrys ótkizilgennen keıin nysandy Almaty oblysynyń kommýnaldyq menshigine qaıtarý týraly sheshim qabyldandy. 

«Qarjy basqarmasy shartty buzyp, nysandy qaıtarý maqsatynda sotqa talap aryz berdi jáne Almaty oblysynyń mamandandyrylǵan aýdanaralyq ekonomıkalyq sotynyń sheshimi negizinde shart buzylyp, Esik kólindegi bóget memleketke qaıtaryldy», - dep habarlady ákimdikten.