Esik qalasynyń ákimi para alǵanyn moıyndady

<p>Azamattardan kelip túsken shaǵymdy tekserý nátıjesinde Almaty oblysy Esik qalasynyń ákimine jemqorlyq qylmysyna bardy degen kúdik keltirilip otyr, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Sybaılas jemqorlyqqa qarsy is-qımyl agenttiginen málim etkendeı, qala ákimine memlekettik satyp alý kelisim aıasynda oıyn alańyn abattandyrǵan jeke kompanııadan iri mólsherde para aldy dep aıyp taǵyldy. Shahar basshysy bıýdjet qarajatyn kedergisiz tóleýge ýáde etken. 

«Kúdikti kináni tolyǵymen moıyndady. Sotqa deıingi tergeý jalǵasyp jatyr.

Qylmystyq-protsestik kodeksiniń 201-babyna sáıkes ózge aqparat jarııa etýge jatpaıdy», - delingen málimette.

Antıkordan eske salyp ótkendeı, Konstıtýtsııanyń 77-baby 3-bóliginiń 1-tarmaqshasyna jáne Qylmystyq-protsestik kodeksiniń 19-baby 1-bóligine sáıkes, sot úkimi zańdy kúshine engenge deıin kúdikti kinásiz bolyp tabylady.