Esik qalasynda er adam «qyl kópirden» qulap, mert boldy

<p>ALMATY. KAZINFORM &ndash; Almaty oblysy Bólek aýylynda tórt balanyń ákesi bıikten qulap, mert boldy. Qaıǵyly oqıǵa el arasynda "qyl kópir" atanyp ketken Esik qalasy mańyndaǵy Úlken Almaty kanalyn kesip ótý kezinde boldy, dep habarlaıdy <a href="https://almaty.tv/" target="_blank" rel="noopener">Almaty.t</a>.</p>

10 metr bıiktikte turǵan kópirdiń arnaıy jaqtaýy nemese ustaıtyn qorshaýy joq. Bul qaýipti ótkelden kúnine júzdegen adam ótedi. Al kúni keshe dúkenge shyǵyp, qaıta úıine oralmaǵan otaǵasy osy mańnan julyny úzilip, basy jarylǵan óli kúıinde tabylǵan. Atalǵan kanal mańyndaǵy halyq, taǵy da «adam shyǵyny bolmasyn» dep búgin ákimdik ókilderine talap qoıdy.

Esi ketken el «kelesi kim?» dep dabyl qaǵyp otyr. Buǵan deıin talaı adam sýǵa ketip, denesin ázer taýypty. Al Esik qalasyna eki attam jerde tursa da, aýyl statýsyn ala almaı júrgen el «órkenıetten jurdaımyz» deıdi.