Esirtkimen kúreste tutynýshylardy ustaýmen ǵana shektelip otyrmyz – Bas prokýror

ASTANA. QazAqparat – Esirtki qylmysyn jasaýshylardyń tórtten biri ǵana jazaǵa tartylǵan. Bul týraly Bas prokýror Berik Asylov zańdylyqty, quqyqtyq tártip pen qylmysqa qarsy kúresti qamtamasyz etý jónindegi úılestirý keńesiniń otyrysynda aıtty, dep habarlaıdy QazAqparat tilshisi.

«Zań ústemdigi bolmasa, azamattardyń qaýipsizdigi qamtamasyz etilmese - áleýmettik-ekonomıkalyq damýdyń eshbir akpektisi iske aspaıdy. Bul týraly Memleket basshysy da aıtty. Búginde bul quqyq qorǵaý júıesiniń basty mindetteriniń biri bolyp otyr. Jaǵymdy dınamıka bar. Zań buzý faktileriniń sany jyl saıyn úzdiksiz tómendep keledi. Qylmys kórsetkishteriniń memleketter arasyndaǵy reıtınginde Qazaqstannyń ındeksi «qalypty» dep baǵalanady. ıAǵnı, jalpy jaǵdaı baqylaýda, turaqty. Biraq bul arqany keńge salýǵa syltaý bolmaýy kerek», - dedi Bas prokýror.

Sondaı-aq, ol azamattardyń qaýipsizdigine áser etetin qylmystardyń báriniń aldyn alý jumysyn kúsheıtý kerektigin eske saldy.

«Mysaly, qoǵamdy sıntetıkalyq esirtki máselesi qatty alańdatyp otyr. Bul baǵytta belgili bir jumys júrip jatyr. Ondaǵan zerthana joıyldy. Tárkilengen sıntetıka kólemi 3 ese ulǵaıǵan. Sondaı-aq, ınternet arqyly jáne esirtki jasyrýshylar arqyly mefedron, «tuz» sııaqty sıntetıka qarqyndy satylyp jatyr. Degenmen tirkelgen faktilerdiń tórtten biri boıynsha ǵana esirtki qylmysyn jasaýshylar jaýapqa tartylǵan. ıAǵnı, sol baıaǵydaı esirtki tutynýshylardy ustaýǵa basymdyq berilip keledi. Quqyq qorǵaý organdary ókilderiniń esirtki satýshylarmen sybaılasý faktileri bar. Buǵan Memleket basshysy da nazar aýdarǵan bolatyn», - dedi Berik Asylov.