Esirtkige qarsy halyqaralyq «Kanal-Krasnyı barhan» operatsııasy ótti
Al olardyń ózara árekettesýi men úılestirý is-áreketteri Shymkent qalasynda qurylǵan Halyqaralyq úılestirý shtabynda júzege asyryldy, dep habarlaıdy Qazaqparat tilshisi.
Operatsııaǵa baqylaýshy retinde Eýropalyq odaq, Eýropa qaýipsizdik jáne yntymaqtastyq uıymy, Qylmystyq kiristerdi zańdastyrý jáne terrorızmdi qarjylandyrýǵa qarsy is-qımyl jasaý jónindegi Eýrazııalyq top, BUU Esirtki jáne qylmys jónindegi Óńirlik basqarmasy, OAÓAÚO halyqaralyq uıymdardyń qyzmetkerleri shaqyryldy.
Aıta keteıik, «Kanal-Krasnyı barhan» operatsııasynyń negizgi mindetteri - apıynnyń kontrabanda arnalarynyń jolyn kesý men transulttyq esirtki toptarynyń qyzmetin, esirtki kiristerin zańdastyrýdyń aldyn alý jáne zańsyz aınalymnan qarý-jaraqtar, oq-dáriler men jarylǵysh zattardy tárkileý. Sondaı-aq Qyzylorda oblysynda qarasorany zańsyz ósirýge jáne Jambyl oblysynda jabaıy ósetin qarasorany daıyndaýǵa qarsy áreket etý qarastyrylǵan. Bul joly sharany ótkizýge 4 «Tıgr» brondalǵan avtokólikteri, 6 birlik «Baggı» synypty, 15 -ten astam júrip ótý múmkindigi joǵary avtokólikteri, MI-171E tikushaǵy tartyldy. Arnaıy operatsııa sheńberinde QR ІІM «Delta-Dolına» bólimshesiniń aýmaǵynda Qazaqstan jáne Qyrǵyzstan ІІM kınologııalyq qyzmetteriniń birlesken jattyǵýlary, qyzmettik-izdestirý ıtteriniń kórneki óner kórsetýlerimen ótkizildi.
Operatsııa nátıjesinde atsalysqan memleketter aýmaǵynda zańsyz aınalymynan 9 tonna esirtki, onyń ishinde 5 tonna apıyn, 38 kg geroın, 2 tonna sıntetıkalyq esirtkiler, 800 kg gashısh jáne 830 kg marıhýana tárkilendi. 115 birlik qarý-jaraqtar, 2,5 myńǵa taıaý oq-dáriler, 127 myń AQSh dollar somasynan astam materıaldy baǵaly zattar men basqa da zattar alyndy. Sondaı-aq 719 esirtki qylmystary ashylyp, 7 myńǵa tarta qylmystyq is qozǵaldy. Zańsyz operatsııalar úshin 500 azamat ákimshilik jaýapkershilikke tartyldy.