Esirtkige baılanysty qylmystyq jaýapkershilik kúsheıtildi
Іshki ister mınıstrliginiń aqparat alańynda ótken brıfıngte Esirtki qylmysyna qarsy is-qımyl departamentiniń basqarma bastyǵy Berikhan Nurǵalıev esirtki saýdasyna qatysty qylmystardyń jazasy qalaı qatańdatylǵanyn baıandady.
«Jaqynda ǵana sıntetıkalyq esirtkiniń taǵy 11, prekýrsor 17 jańa túriniń aınalymy úshin qylmystyq jaýapkershilik engizilgen Úkimettiń qaýlysy kúshine enedi.
Sondaı-aq, «pıraleron» (jyldamdyq), mefedron (mef) jáne sıntetıkalyq kannabınoıdtyń (spaıs) zańsyz aınalymy úshin qylmystyq jaýapkershilik kúsheıtildi. Buryn qylmystyq is qozǵaý úshin tárkilengen esirtki zattyń mólsheri 50 gramm bolýy kerek bolsa, endi bir gramnan bastalatyn boldy», - dedi basqarma bastyǵy.
Sondaı-aq, qyrkúıek aıynyń sońynda Premer-Mınıstrdiń orynbasarynyń qatysýymen ótken jıynda aıtylǵan esirtki bıznesine qarsy is-qımyl máseleleri
«Maýsym aıynda Úkimet adam ómiri men densaýlyǵyna zııany kúshti zattardyń tizimin bekitti. Onyń qataryna qazaqstandyq jastar men jasóspirimder «eıforııa effektisi» úshin qoldnaýy múmkin birqatar medıtsınalyq preparat engizildi.
Qoldanystaǵy zańnama boıynsha medıtsınalyq preparattar men ózge de zattardy qoldaný arqyly eliktirgish prıtondar uıymdastyrý jáne ustaý faktisi úshin qylmystyq jaýapkershilik qarastyrylǵan. zańsyz aınalymy úshin jaýapkershilikti kózdeıtin zań jobasyn ázirleýge kiristik. Qylmystyq kodekstiń 310-baby osy máselege arnalǵan. Sondaı-aq, áseri kúshti zattardyń kontarabandasy boıynsha Qylmystyq kodekstiń 286-baby qarastyrylǵan. Qazir Parlamentpen jáne múddeli memlekettik organdarmen birge áseri kúshti zattardyń zańsyz aınalymy úshin jaýapkershilikti kózdeıtin zań jobasyn ázirlenip jatyr. Onyń ishinde atalmysh zattardy medıtsınadan tys paıdalaný, saqtaý jáne taratý áreketteri de qamtylǵan», - dedi Esirtki qylmysyna qarsy is-qımyl departamentiniń basqarma bastyǵy Berikhan Nurǵalıev.