Esirtki jarnamalaýdyń 48 faktisi anyqtaldy - ІІM
«Jyl basynan beri Internet arqyly esirtki satý faktisi boıynsha 18 qylmystyq is tirkelip, ekeýi sotqa jiberildi. Máselen, Mańǵystaý oblysynda sıntetıkalyq esirtkini taratqany jáne jarnamalaǵany úshin 19 jáne 22 jastaǵy eki jigit ustaldy. Olar graffıtı tańbalap, belgiler qaldyryp otyrǵan. Kúdiktiniń kishisi jarnamalyq graffıtı tańbalap, 9 belgi qaldyrǵan. Al ekinshi kúdikti ustalǵan kezde jasyryn jerlerge 40 iri jáne bir rettik dozany qoıyp úlgergen», - dedi ol ІІM baspasóz qyzmeti alańynda ótken brıfıng barysynda.
Onyń atap dereginshe, sıntetıkalyq zattardy jasyryn jerlerge qoıyp júrgen eki adam ustaldy.
«Ótken jyldan bastap esirtkini nasıhattaǵany nemese zańsyz jarnamalaǵany úshin qylmystyq jaýapkershilik engizildi. 6 jylǵa deıin bas bostandyqtan aıyrý jazasy qarastyrylǵan. Jyl basynan beri mundaı 48 qylmys tirkeldi. Aıtalyq, Almatyda 29 jastaǵy jigit ustalyp, onyń zattaryn tintý barysynda esirtki taratatyn saıttarǵa silteme jazylǵan japsyrmalar tárkilendi», - dedi Berikhan Nurǵalıev.