Esirtki saýdasyn uıymdastyrdy dep kúdik keltirilgen áıel Túrkııadan Qazaqstanǵa ekstradıtsııalandy

ASTANA. QazAqparat – Qazaqstanda esirtki aınalamyna qatysy bar dep kúdik keltirilgen áıel Túrkııadan elge estradıtsııalandy, dep habarlaıdy QazAqparat QR Bas prokýratýrasynyń baspasóz qyzmetine silteme jasap.

Baspasóz qyzmetiniń málimetterine qaraǵanda, Túrkııa Respýblıkasynyń Ádilet mınıstrligi esirtki zattaryn asa iri mólsherde satý maqsatynda zańsyz saqtaǵany úshin kúdikti dep tanylǵan áıeldi berý týraly Qazaqstan Respýblıkasy Bas prokýratýrasynyń suraý salýyn qanaǵattandyrdy.

Іsti tergeý barysynda kúdikti qylmystyq qýdalaý organynan jasyrynyp, oǵan halyqaralyq izdeý jarııalanǵan.

Búgin Bas prokýratýranyń, Іshki ister mınıstrliginiń qyzmetkerleri Qazaqstan Respýblıkasy Syrtqy ister mınıstrliginiń kómegimen kúdiktini qylmystyq jaýapqa tartý úshin elge ekstradıtsııalady.

Qazirgi ýaqytta ol Astana qalasynyń tergeý ızolıatoryna jatyr.

«Atalǵan qylmysty jasaǵany úshin ol múlki tárkilene otyryp, 10 jyldan 15 jylǵa deıin bas bostandyǵynan aıyrylýy múmkin»,-delingen habarlamada.