Esirtki saýdasymen aınalysqan qylmystyq top múshesi 16 jylǵa bas bostandyǵynan aıryldy
«Esirtki zattarynyń zańsyz aınalymymen jáne olardy satýmen aınalysqan qylmystyq topty joıý boıynsha arnaıy operatsııa kezinde ustalǵan aıyptalýshy 16 jylǵa bas bostandyǵynan aıyrylyp, jazasyn qylmystyq-atqarý júıesiniń qaýipsizdigi joǵary mekemesinde óteý týraly úkim shyǵaryldy.
Qarjylyq monıtorıng agenttigi Nur-Sultan jáne Almaty qalalarynda Ulttyq qaýipsizdik komıtetimen birlesip, Qazaqstan aýmaǵynda esirtki jetkizýshi jáne taratýshy toptyń áreketine tosqaýyl qoıý maqsatynda arnaıy operatsııa júrgizgen bolatyn.
Olar úı janýarlaryna arnalǵan azyq-túlikke oralǵan halyqaralyq sálemdemeni alý kezinde ustaldy. Tárkilengen esirtki – jalpy salmaǵy 7 keliden astam marıhýana men mefedron. Sot sheshimimen tárkilengen esirtki zattary joıyldy», - delingen resmı habarlamada.