Esirtki aınalymy joǵary óńirler anyqtaldy

NUR-SULTAN. QazAqparat – QR Іshki ister mınıstrligi Esirtki qylmysyna qarsy is-qımyl departamentiniń basqarma bastyǵy Berikhan Nurǵalıev ІІM aqparat alańynda esirtki eń kóp tárkilengen óńirlerdi atady, dep habarlaıdy QazAqparat tilshisi.

«Óńirler boıynsha aıtsaq, sıntetıkalyq esirtkiniń eń kóp mólsheri esirtki zerthanalary tabylǵan óńirlerden tárkilendi. Aqtóbe oblysynda –36 keli, Qaraǵandy oblysynda – 16 keli jáne Almaty qalasynda – 13 keli sıntetıkalyq esirtki tárkilendi», - dedi ol.

Berikhan Nurǵalıev málimeti boıynsha, jalpy esirtkiniń kóp mólsheri jabaıy karasora alqaptary anyqtalǵan óńirlerde tárkilengen.

«9 aıdyń qorytyndysy boıynsha, tárkilengen jalpy eskrtkiniń kólemi boıynsha Túrkistan oblysy alda keledi – 5 tonna. Jambyl oblysynda 3 tonna esirtki tárkilendi. Úshinshi orynda Shyǵys Qazaqstan oblysy tur.

Al Atyraý oblysynda –17 keli, Batys Qazaqstan oblysynda – 23, shymkent qalasynda – 57 keli esirtki tabyldy. Bul eń az kórsetkish tirkelgen óńirler», - dedi ІІM ókili.