Esimi ańyzǵa aınalǵan Qazaqstan fýtbolshylary «Super Bol!»-men match ótkizedi

NUR-SULTAN. QazAqparat - «Super Bol!» áleýmettik fýtbol jobasynyń oıynshylary Qazaqstannyń 2006-2008 jyldardaǵy quramyna qarsy match ótkizedi, dep habarlaıdy QazAqparat.

Oıyn 7 tamyz kúni Almatynyń Ortalyq stadıonynda ótedi. Oǵan Matchqa arnaıy túrde nıderland mamany Arno Paıpers, madrıdtik «Real» men mılandyq «Interdiń» eks-oıynshysy Esteban Kambıasso keledi.

Qazir «Super Bol!» Talǵardaǵy ulttyq qurama bazasynda daıyndalyp jatyr. Apta saıyn olar joldastyq kezdesýler ótkizýde. Biraq jas fýtbolshylarǵa naǵyz emtıhan – bala kezdegi kýmırlerine qarsy oınaý.

Qazaqstan quramasy atynan alańǵa Samat Smaqov, Davıd Lorııa, Nurbol Jumasqalıev, Andreı Karpovıch, aǵaıyndy Azovskııler, Farhadbek Irısmetov, Dmıtrıı Bıakov, Aleksandr Kýchma, Maksım Jalmagambetov, Qaırat Áshirbekov, Danııar Muqanov, Sergeı Boıchenko, ıÝrıı Novıkov, Igor Soloshenko, Rýslan Baltıev, Edýard Sergıenko jáne 2006-2008 jyldary ulttyq qurama sapynda bolǵan basqa da oıynshylar shyǵady.

Ardagerlerdiń bas bapkeri burynǵysha Arno Paıpers bolmaq. Matchtyń shoq juldyzy – madrıdtik «Real» men mılandyq «Interdiń» eks-oıynshysy Esteban Kambıasso. Ol ári Qazaqstannyń juldyzdar quramasynda óner kórsetetin bolady.

Aıta keteıik, «Super Bol!» jas fýtbolshylar jobasyn QR Prezıdenti janyndaǵy Dara daryndylardy qoldaý qory jáne Freedom Broker ınvestıtsııalyq kompanııasy qolǵa alǵan.

Match Qazsport arnasynda tikeleı efırde kórsetiledi.

Bıletterden túsken qarjy qaıyrylymdylyqqa jumsalady.

Oıyn 7 tamyz kúni Almaty Ortalyq stadıonynda saǵat 20:00 bastalady. Bıletter ticketon.kz saıtynda satylady.