Esil ózeni arqyly ótetin kópirdiń qurylysy bıyl aıaqtalady - ákim

NUR-SULTAN. QazAqparat - Nur-Sultan qalasynda jol jóndeý jumystary bastaldy: 2020 jyly 150 kóshe jóndeýden ótedi, dep habarlaıdy QazAqparat qala ákiminiń baspasóz qyzmetine silteme jasap.

Bıyl Nur-Sultan qalasynda jalpy uzyndyǵy 100 shaqyrymdy quraıtyn 150 kóshe jóndeledi. Jumysshylar jol jóndeý jumysyna kirisip ketti.

«Bıyl 150 kósheni jóndeý josparlanǵan. Onyń ishinde 50 kóshe qalanyń ortalyq bóliginde – qoǵamdyq kólik júretin magıstraldy kósheler. Olardyń kóbi ortasha, keıbiri kúrdeli jóndeýden ótedi. 150 kósheniń 100-i turǵyn alaptarda. Mysaly, Óndiris, Kırpıchnyı, Kóktal, Lesozavod. Jol jumystary barlyq turǵyn alaptarda júrgiziletin bolady. Biz bıyl 21 nysanda jumysty jalǵastyramyz. Sondaı-aq Esil ózeni arqyly ótetin kópirdiń qurylysyn aıaqtaýdy josparlap otyrmyz. Júrgizilip jatqan jumystar elordanyń ınjenerlik jáne jol ınfraqurylymyn jaqsartýǵa múmkindik beredi. Bıyl bizge «Jumyspen qamtýdyń jol kartasy» baǵdarlamasy jaqsy kómektesýde», – dedi qala ákimi Altaı Kólginov.

JQJK baǵdarlamasy boıynsha jol jóndeýge 12 mlrd teńge bólindi. Jumystyń basym bóligi turǵyn úı alaptarynda júrgiziledi.

Sonymen qatar «Jumyspen qamtýdyń jol kartasy» baǵdarlamasy boıynsha 1,5 myń jańa jumys orny ashylady.