Eshqandaı partııada joq kandıdat prezıdent saılaýyna qalaı qatysa alady

ASTANA. QazAqparat – QR Prezıdenti saılaýynda synǵa túsýge nıetti kandıdat eshqandaı partııa quramynda bolmasa, saılaýǵa qatysa ala ma? Bul saýalǵa ortalyq saılaý komıssııasy tóraǵasynyń orynbasary Konstantın Petrov jaýap berdi, dep habarlaıdy QazAqparat tilshisi.

«Bul saýaldyń jaýaby «Saılaý týraly» Konstıtýtsııalyq zańnyń 55-baby 3-tarmaǵynda naqty aıtylǵan. Prezıdenttikke kandıdattardy respýblıkalyq qoǵamdyq birlestikter atynan olardyń joǵary organdary usynady. ıAǵnı respýblıkalyq qoǵamdyq birlestik sezd nemese konferentsııa túrindegi joǵary organ bolýy múmkin. Qoǵamdyq birlestik ókilderi onyń múshesi bolyp tabylmaıtyn adamdy kandıdat retinde usynýǵa quqyly» - dep túsindirdi Konstantın Petrov OSK-da ótken baspasóz máslıhatynda.

Onyń aıtýynsha, partııa quramynda joq azamat prezıdent saılaýynda kandıdat bola alady.

«Kandıdattyń belgili bir saıası partııa atynan saılaýǵa túsýi úshin atalǵan partııanyń múshesi bolýy mindetti emes», - deıdi ol.

Aıta ketsek, QR Prezıdenti saılaýyna qatysatyn kandıdattarǵa beriletin qol jınaý paraǵyn berý ýaqyty qysqardy.

Sondaı-aq, saılaý bıýlleteninde bolatyn barlyq kandıdatqa qarsy daýys berý baǵanyna qatysty túsinik berildi.

Odan bólek, OSK prezıdent saılaýy kezinde múgedek jáne erekshe kútimdi qajet etetin jandarǵa jaǵdaı jasaý týraly qaýlyny bekitti.