«Eshqandaı ereýil bolmaıdy»: Talǵarda qaza tapqan 16 jastaǵy jasóspirimniń ákesi men Aıtbek Amangeldi úndeý jasady

<p>ALMATY. KAZINFORM &mdash; Talǵarda kisi qolynan qaza tapqan 16 jastaǵy jasóspirim Sherzat Bolattyń ákesi men qorǵaýshysy&nbsp;Aıtbek Amangeldi <a href="https://www.instagram.com/reel/DBBhY9CoLvD/?igsh=NjQxdjkxd3U1bjc0" target="_blank" rel="noopener">málimdeme</a> jasady.</p>

«Biz Sherzattyń ákesi Qarjaýbaı ekeýimiz 14 qazan kúini eshqandaı mıtıngige shyǵýdyń qajeti joqtyǵyn aıtqymyz keledi. Mıtıng bolmaıdy. Qazir tergeý júrip jatyr. Ekspertızalar jasalady. Bul ereýil tergeý amaldaryna keri áser etýi múmkin. Bul paıdasyz áreket», — dedi Aıtbek Amangeldi.

Sherzattyń ákesi tek qana ádil sot talap etetin alǵa tartty.

«14 qazan kúni eshqandaı mıtıng, qan tógis bolmaıdy. Meniń maqsatym balamnyń ólimine qatysty ádiletti sot sheshimine qol jetkizý. Adamdar kelip, tergeý júrip jatyr. Qorǵaýshylar, marqum Saltanattyń baýyry da bar. Bir-birmizge qoldaý kórsetip jatyrmyz. Halyqtyń qoldaýyna alǵys aıtamyn. Biraq qan tógýdiń qajeti joq. Qan tógispen esh nárse sheshilmeıdi. Men balam úshin ádil sot talap etemin. Sońyna deıin baramyn», — dedi Sherzattyń ákesi.

Eske salaıyq, 4 qazan kúni Talǵar qalasyndaǵy tóbelesten jasóspirim qaıtys bolǵanyn jazǵanbyz.

Odan keıin Sherzattyń týǵan-týystary men Talǵar turǵyndary ashyq tergeý bolýyn talap etip, narazylyqqa shyqqan bolatyn.

Búgin Bas prokýratýranyń basshylyǵymen qylmysty ashý úshin vedomstvoaralyq jedel-tergeý toby qurylǵany belgili boldy.

Іshki ister mınıstri Talǵardaǵy jasóspirimniń ólimine qatysty isti baqylaýǵa aldy.

12 qazan kúni Talǵarda marqum 16 jasar Sherzattyń úıi órtendi. Polıtsııa otbasyny qorǵaýǵa aldy.

Іshki ister mınıstriniń birinshi orynbasary Baýrjan Alenov marqum Sherzat Bolattyń úıin órteý oqıǵasyn tergeý tobymen Talǵarǵa bardy.

Artynsha, Baýyrjan Alenov órt qylmysy boıynsha aıǵaqtar alynyp, tıisti saraptamalar júrgizilip jatqanyn habarlady.