Esh qujaty joq 1612 adamǵa Qazaqstan azamattyǵy berildi

NUR-SULTAN. QazAqparat – QR Іshki ister mınıstrligi mártebesi rettelmegen jáne qujaty joq 6 myńnan astam adamǵa kómek kórsetti. Bul týraly QR Іshki ister mınıstrliginiń resmı ókili Nurdildá Oraz aıtty, dep habarlaıdy QazAqparat.

«Qazirgi ýaqytta mınıstrlik mártebesi rettelmegen jáne jeke basyn kýálandyratyn qujattary joq, azamattyǵy joq 6 myńnan astam adamǵa kómek kórsetti. Jeke kýálikpen 5 myńǵa jýyq (4 969) adam qujattaldy. Onyń ishinde 3357 adam QR azamaty, 1612 esh azamattyǵy joq adamǵa QR azamattyǵy berildi», - dedi Nurdildá Oraz Іshki ister mınıstrligi uıymdastyratyn aptalyq brıfıngide.

Resmı ókildiń aıtýynsha, taǵy 1357 adamǵa qatysty azamattyqty rastaý rásimi aıatalýǵa jaqyn.

«Іshki ister mınıstrligi elimizdegi azamattyǵy joq adamdardyń máselesin túpkilikti sheshýge umtylysty eskerip, mártebesi rettelmegen jáne jeke basyn kýálandyratyn qujaty joq adamdardy anyqtaý aktsııasyn 2022 jyldyń mamyryna deıin uzartý týraly sheshim qabyldady», - dedi Nurdildá Oraz.