Esep komıtetiniń quziretin keńeıtý kerek - Álıxan Baımenov

YSTANBUL. QazAqparat - Astana memlekettik qyzmet xabynyń basshysy Álıxan Baımenovtyń oıynsha, memlekettik organdardyń tıimdiligin baǵalaýdy QR Respýblıkalyq bıýdjettiń atqarylýyn baqylaý jónindegi Esep komıtetine berý kerek, dep xabarlaıdy QazAqparat tilshisi.

"Shyny kerek, Esep komıteti burynǵydaı atalǵanymen qazirgi kezde onyń maqsat-mindetteri keńeıip otyr. Máselen, atalǵan mekeme qarjyny zań boıynsha jumsaýdy ǵana emes, jumsalǵan qarjynyń tıimdiligin de anyqtaıdy. Ony aýdıt deıdi. Baǵalaý júıesiniń maqsaty da soǵan jaqyn. Sol sebepti Eýropa elderiniń kóbisinde aýdıt júıesi men baǵalaý júıesi birikken. Bul memlekettik resýrstardy da tıimdi jumsaýǵa múmkindik beredi. Esep komıteti - tikeleı Prezıdentke baǵynatyn organ. Sondyqtan ol úkimettik organdardyń jumysyn beıtarap, táýelsiz baǵalaı alady", - dedi Baımenov QazAqparat tilshisine bergen suxbatynda.

 

Hab basshysynyń aıtýynsha, Esep komıtetiniń ataýyn ózgertýdiń qajeti joq. Onyń quziretin memlekettik organdardyń jumysyn baǵalaý quziretin ǵana berý kerek. "Meniń oıymsha, qazirgi júıe alty jyl boıy óz mıssııasyn atqaryp keledi. Degenmen, onyń tıimdiligin ary qaraı damytý úshin aýdıt pen baǵalaýdy ıntegratsııalaý qajet", - dep atap kórsetti Á.Baımenov.

Aıta keteıik , búgin Túrkııanyń Ystanbul qalasynda memlekettik organdardyń tıimdiligin baǵalaý salasyndaǵy Qazaqstannyń tájirıbesi keńinen tanystyryldy. Atalǵan shara baǵalaý salasyndaǵy ulttyq áleýetke arnalǵan V Jahandyq konferentsııa aıasynda ótip otyr.