Esep komıteti: Salyq durys eseptelmegendikten bıýdjet 6,5 mlrd teńgeni joǵaltty

ASTANA. QazAqparat - Respýblıkalyq bıýdjettiń atqarylýyn baqylaý jónindegi esep komıteti capasyz salyqtyq ári kedendik ákimshileýden bıýdjetke keltirilgen shyǵyndy jarııa etti, dep habarlaıdy QazAqparat.

Senattyń Qarjy jáne bıýdjet komıtetiniń keńeıtilgen otyrysynda Esep komıtetiniń tóraıymy Natalıa Godýnova salyqtyq ákimshileýge qatysty máseleni kóterdi.

«Biz salyqtyq jáne kedendik ákimshileý sapasynyń joǵarylýynda rezervter bar ekenin aıtqan edik. Jalpy, 2017 jyldyń qorytyndysy boıynsha Esep komıtetiniń baǵalaýyna súıensek, sapasyz salyqtyq ári kedendik ákimshileýdiń saldarynan respýblıkalyq bıýdjet 6,5 mlrd teńge joǵaltty», - dedi N. Godýnova.

Sonymen qatar ol bıýdjetke bereshek, QQS-ty qaıtarý jáne sapaly boljaý boıynsha máseleni sheshýde tıimdilikti qamtamasyz etý kerektigin atap ótti.

Budan buryn habarlanǵandaı, Senat komıtetiniń keńeıtilgen otyrysynda QR Qarjy vıtse-mınıstri Berik Sholpanqulov Qazaqstannyń memlekettik qaryzy ne sebepti ósip jatqanyn túsindirdi.