Esep komıteti men Májilis depýtattarynyń delegatsııasy Latvııaǵa saparynda eldiń Memlekettik baqylaý organynda bolady
dep habarlaıdy QazAqparat.
Sapar aıasynda delegatsııa Latvııa Respýblıkasynyń memlekettik qarjylyq baqylaý júıesiniń quqyqtyq negizin zerdelep, Latvııanyń Memlekettik baqylaýynyń qurylý tarıhymen, ókilettigimen, qurylymymen, onyń uıymdastyrylýymen tanysady. Sáıkestikke, qarjylyq eseptilik pen tıimdilikke baqylaý júrgizýdiń ádistemelik qyrlary qarastyrylatyn bolady. Sonymen qatar, Latvııanyń Memlekettik baqylaýyndaǵy basqarý júıesimen, sol sekildi táýekelderdi basqarý júıesimen tanysý josparlanyp otyr.
Budan basqa, qazaqstandyq delegatsııa Latvııanyń joǵary qarjy baqylaý organy men Parlamentiniń ózara is-qımyldarynyń tájirıbesin zerdeleıdi. Atalǵan sapar barysynda Latvııanyń qarjy mınıstrliginde eldiń bıýdjet júıesimen tanysý jáne Latvııanyń joǵary qarjy baqylaý organynyń usynystaryn iske asyrý jóninde Qarjy mınıstrligi men Memlekettik baqylaý arasyndaǵy qarym-qatynas máselerin talqylaý josparlanýda.
Bul shara Qazaqstannyń Esep komıteti men Latvııanyń Memlekettik baqylaý vedomstvosy arasyndaǵy yntymaqtastyq týraly kelisim sheńberinde ótedi. USAID-tyń ekonomıkalyq reformalar arqyly básekege qabilettilikti arttyrý jobasy qazaqstandyq delegatsııanyń Latvııanyń Memlekettik baqylaýyna jasaıtyn saparyna tehnıkalyq qoldaý kórsetip otyr.
Latvııanyń Memlekettik baqylaý vedomstvosy - osy eldiń joǵary qarjy baqylaý organy bolyp tabylady.