Esentai Mall parkıngindegi elektromobıl qýattaý servısi zańǵa qaıshy ma

<p>Qazaqstanda parkıngterde elektromobıldi qýattaý stantsııalaryn paıdalanýǵa <a href="https://www.gov.kz/memleket/entities/emer/press/news/details/657500?lang=kk" target="_blank" rel="noopener">tyıym salynǵan</a>. Alaıda, Almatydaǵy Esentai Mall saýda ortalyǵynyń jerasty turaǵynda osyndaı stantsııalar jumys istep tur. Al nysandy tekserýge TJM mamandarynyń quqyǵy joq, dep habarlaıdy Kazinform.</p>

Tótenshe jaǵdaılar mınıstrligi tarapynan salynǵan tyıymǵa qaramastan, Esentai Mall saýda ortalyǵynyń parkınginde elektr qýatymen júretin kóligi bar almatylyqtarǵa osyndaı servıs kórsetiledi. Al, tótenshe jaǵdaı departamenti qyzmetkerleriniń bul zań buzýshylyqty tirkeýine quqyǵy joq.

«Inspektor tek bekitilgen tekserý paraqshasyna sáıkes tekseris ótkizedi, áli bul norma tekserý paraqshalaryna engizilgen joq», - dep atap ótti Almaty qalalyq tótenshe jaǵdaılar departamentinen.

Buǵan deıin TJM sáýlet jáne qala qurylysy isteri jónindegi ýákiletti organnyń atyna tıisti talaptardy memlekettik normatıvterde belgileý qajettiligi týraly hat joldanǵanyn málimdegen bolatyn.

«Tıisti normatıvtik quqyqtyq aktiler qabyldanǵanǵa deıin bokstarda, parkıngterde, kólik quraldaryn qoıýǵa arnalǵan úı-jaılarda, óndiristik garajdardyń úı-jaılarynda, shatyrlardyń astynda jáne elektromobıldi zarıadtaýǵa arnalǵan kólikti saqtaý ashyq alańdarynda aınymaly toktyń zarıadtaý stantsııalaryn paıdalanýǵa jol berilmeıdi», - delingen vedomstvo taratqan habarlamada.

Aıta ketsek, Іshki ister mınıstrliginiń málimetine sáıkes respýblıka aýmaǵynda 8 myńǵa jýyq elektromobıl bar. 2 jylda (2022-2023 j.j.) Almatyda 2 kólik elektrokólik órtengen.