Erjet Jarlyqasyn grek-rım kúresinen álem chempıonatynyń kúmis júldesin aldy

<p>ASTANA. KAZINFORM &ndash; Tıranada (Albanııa) grek-rım kúresinen olımpıadalyq emes salmaqtarda ótip jatqan álem chempıonatynda qazaqstandyq Erjet Jarlyqasyn kúmis júldeger atandy.</p>

Erjet Jarlyqasyn 63 kelige deıingi salmaqta fınalda ázerbaıjandyq Nıhat Mammadlımen chempıondyq ataqty sarapqa saldy. 

Erjet bıyl Azııa birinshiliginde úzdik shyqsa, Nıhat buǵan deıin eki márte Eýropada top jaryp, 2022 jyly 23 jasqa deıingiler arasynda álem chempıonatynyń kúmis júldegeri atanǵan eken. 

Birinshi kezeńde tóreshi Erjetke bir upaı berip, qarsylasyn tórttaǵanǵa qoıǵanymen, qazaqstandyq balýan ol múmkindigin paıdalana almady. Ekinshi kezeńde ózi ádis jasaımyn dep, Nıhattyń upaı alýyna jol berip qoıdy - 1:6.

Osylaısha, E.Jarlyqasynǵa kúmis júlde buıyrdy. 

Eske sala keteıik, budan buryn Erjet Jarlyqasynnyń grek-rım kúresinen álem chempıonatynyń fınalynda óner kórsetetinin jazǵan bolatynbyz. 

Sondaı-aq Jámıla Baqbergenova úshinshi ret álem chempıonatynyń fınalyna shyqty.