Erjan Maksım Túrkistandaǵy jas talanttar baıqaýynda án aıtty
«Golos. Detı» mýzykalyq shoýynyń 6-shy maýsymynyń jeńimpazy, Halyqaralyq «Junior Evrovision» baıqaýynyń II oryn ıegeri Erjan Maksım oblys ortalyǵynda ótken gala-kontserttiń qurmetti qonaǵy boldy.
Festıval aımaq ákimi Ómirzaq Shókeevtiń bastamasymen jáne oblystyq Adamı áleýetti damytý basqarmasynyń uıytqy bolýymen uıymdastyrylǵan.
Túrkistan qalalyq Oqýshylar saraıynda ótken sharada festıval jeńimpazdary arnaıy dıplomdarmen marapattaldy.
Shara maqsaty – jas talanttardy, ónerli órenderdi anyqtaý, oqýshylardyń mektepten tys ýaqytyn tıimdi ótkizý jáne qoldaý. Ol 2021 jyldyń 12 qańtary kúni Túrkistan qalasy «Aqjaıyq» mýzykalyq mektebinde bastaý alyp, oblystyń 16 aýdanynda ótken bolatyn.
Kórermensiz ótken «Túrkistan: kóne men keleshek kópiri» atty oblystyq óner festıvalinde aýdan, qala boıynsha 3 myńǵa jýyq ónerpaz ónerin kórsetýge múmkindik aldy.
Oqýshylar birneshe nomınatsııa boıynsha synǵa tústi.