Erjan Qazyhan BUU júıelik uıymdarynyń basshylyǵymen kezdesti
BUU Adam quqyqtary jónindegi Joǵarǵy komıssary Mıshel Bacheletpen kezdesý aıasynda Prezıdenttiń arnaýly ókili E. Qazyhan Qazaqstannyń BUU Adam quqyqtary jónindegi basqarmasymen yntymaqtastyǵynyń basym baǵyttaryn talqylady. Taraptar quqyq qorǵaý salasyndaǵy ulttyq zańnamany jáne quqyq qoldaný praktıkasyn jetildirý boıynsha ózara is-qımyldyń úlken tájirıbesin, sondaı-aq Qazaqstannyń Adam quqyqtary salasyndaǵy eleýli progresin atap ótti.
BUU Adam quqyqtary jónindegi Joǵarǵy komıssary Mıshel Bachelet elimizdegi jetistikter men saıası ózgeristerdi joǵary baǵalap, QR Prezıdentiniń 9 maýsymdaǵy «Adam quqyqtary salasyndaǵy odan arǵy sharalar týraly» Jarlyǵynyń jáne Adam quqyqtary salasyndaǵy birinshi kezektegi sharalardyń ulttyq josparıanyń negizgi maqsattarynyń mańyzdylyǵyn erekshe atap ótti. Joǵarǵy komıssar Memleket basshysy Q. Toqaevtyń jaqyn arada Qazaqstanǵa kelýge shaqyrý jónindegi jeke joldaýyn rızashylyqpen qabyldady.
Dúnıejúzilik saýda uıymynyń (DSU) Bas dırektory Ngozı Okondjo-Ivealamen kezdesý 2021 jyldyń sońynda Jenevada Qazaqstannyń tóraǵalyǵymen alǵash ret ótetin DSU-nyń 12-shi mınıstrlik konferentsııasynyń mańyzdylyǵyn jáne daıyndyq barysyn jan-jaqty talqylaýǵa múmkindik berdi. E. Qazyhan Qazaqstannyń damýy múddesinde DSU-men tyǵyz ózara is-qımylyn atap ótip, DSU basshysyn elimizdiń teń quqyly saýdany jáne vaktsınalarǵa ádil qol jetimdilikti qamtamasyz etýge, sondaı-aq jahandyq ekonomıkany qalpyna keltirýge baǵyttalǵan bastamalaryn tolyq qoldaıtynyn rastady.
DSU basshysy Qazaqstan DSU-nyń eń bedeldi memleketteriniń biri ekenin aıtyp, uıym qyzmetine turaqty jáne júıeli qoldaý kórsetkeni úshin elimizge alǵysyn bildirdi. Ngozı Okondjo-Iveala Qazaqstan Prezıdentine Jenevada ótetin konferentsııanyń ashylýyna jeke qatysýǵa resmı shaqyrý joldady.
BUU-nyń Jenevadaǵy bólimshesiniń Basshysy Tatıana Valovaıamen kezdesý barysynda qarýsyzdaný, klımattyń ózgerýi, «KazAID» jelisimen gýmanıtarlyq kómek kórsetý jáne turaqty damý maqsattary salasyndaǵy qazaqstandyq bastamalardy ilgeriletý máseleleri talqylandy. E. Qazyhan Prezıdent Q. Toqaevtyń Bıologııalyq qaýipsizdik jónindegi halyqaralyq agenttikti qurý boıynsha bastamasynyń ózektiligin atap ótti, sondaı-aq Semeıdegi synaq polıgony jabylýynyń 30-jyldyǵyna jáne Ortalyq Azııada ıadrosyz aımaq qurý týraly shartqa qol qoıylýynyń 15-jyldyǵyna oraılastyrylǵan is-sharalardy BUU tarapynan qoldaýdyń mańyzdylyǵyn atap ótti.
Qazaqstan Almaty qalasyndaǵy Ortalyq Azııa elderi men Aýǵanstan úshin arnalǵan BUU ortalyǵynyń bazasynda óńirlik jobalardy iske asyrýda, ásirese tómen kómirtekti damý, transshekaralyq sý resýrstary, azyq-túlik qaýipsizdigi, áıelderdiń arasynda kásipkerligin damytý, genderlik teńdik jáne t. b. máseleler boıynsha BUU-nyń Jenevadaǵy keńsesiniń qoldaý kórsetýine úmittenedi.
DDU basshylyǵymen Prezıdent Q. Toqaevtyń DDU bas dırektory T. Gebreıesýspen qol jetkizgen ýaǵdalastyqtarynyń iske asyrý barysy talqylandy. Qazaqstannyń DDU-men medıtsınalyq-sanıtarııalyq alǵashqy kómek salasyndaǵy úlgili yntymaqtastyǵy QR Prezıdentiniń BUU aıasynda aýrýlardy baqylaý jáne bıoqaýipsizdik jónindegi óńirlik ortalyqtar jelisin qurý týraly bastamasyn iske asyrý boıynsha birlesken is-qımyldardyń jańa shegterin ashady.
DDU Bas dırektorynyń orynbasary S. ıAkab COVID-19 pandemııasymen kúres boıynsha is-qımylǵa, Qazaqstandaǵy vaktsınatsııa qarqynyna joǵary baǵa berip, Uıymnyń basqa memleketterge járdem kórsetý úshin paıdalanylýy múmkin bolatyn otandyq «QazVac» vaktsınasyn jedel sertıfıkattaýǵa jan-jaqty kómek kórsetýge daıyndyǵyn bildirdi.
Sapar barysynda Arnaýly ókil E. Qazyhan Halyqaralyq eńbek uıymynyń (HEU) jáne BUU-nyń Eýropalyq ekonomıkalyq komıssııasynyń basshylyǵymen de kezdesti.