Erjan Babaqumarov qyzmetinen bosatyldy
Erjan Babaqumarov 1969 jyly 2 naýryzda Taldyqorǵan oblysy (qazirgi Almaty oblysy) Qarabulaq kentinde týǵan. Qazaq memlekettik ýnıversıtetin jáne aspırantýrasyn bitirgen.
Qazaqstan damý ınstıtýtynyń bólim meńgerýshisi, Saıası zertteýler ortalyǵynyń dırektory, Almaty qalasy ákimdigi apparatynyń bas mamany qyzmetterin atqarǵan.
1996-2006 jyldary - Qazaqstan Respýblıkasy Prezıdenti Ákimshiliginiń aǵa referenti, konsýltanty, sektor meńgerýshisi, bólim meńgerýshisiniń orynbasary, Áleýmettik saıası bóliminiń bas ınspektory, Aqparattyq-taldama ortalyǵynyń meńgerýshisi, QR Prezıdenti Ákimshiligi Aqparattyq taldaý bóliminiń meńgerýshisi.
2006-2008 jyldary Qazaqstan Respýblıkasy Mádenıet, aqparat jáne sport vıtse-mınıstri, Qazaqstan Respýblıkasy Mádenıet jáne aqparat mınıstrliginiń jaýapty hatshysy bolǵan.
2008-2012 jyldary - QR Premer-Mınıstriniń Keńsesi basshysynyń orynbasary, 2012 jylǵy qazannan 2016 jylǵa deıin Ortalyq kommýnıkatsııalar qyzmetiniń basshysy boldy; QR Premer-Mınıstri keńsesi basshysynyń orynbasary (2016-2018).
2018 jyldyń jeltoqsan aıynda Qazaqstan Respýblıkasy Prezıdenti Ákimshiliginiń Taldaý jáne boljamdaý ortalyǵynyń meńgerýshisi bolyp taǵaıyndaldy.
5 sáýirde Erjan Babaqumarov Qazaqstan Respýblıkasy Prezıdentiniń keńesshisi - Qazaqstan Respýblıkasy Prezıdenti Ákimshiliginiń Taldaý jáne boljamdaý ortalyǵynyń meńgerýshisi qyzmetine taǵaıyndalǵan bolatyn.
Qazaqstanda, Reseıde, Úndistanda, Ýkraınada basylǵan 50-den astam ǵylymı jarııalanymnyń avtory. Saıasattaný ǵylymdarynyń kandıdaty, Qazaqstan Respýblıkasy Saıasattaný ǵylymdary akademııasynyń akademıgi, Qazaqstan saıası ǵylymdar qaýymdastyǵynyń múshesi. «Qurmet» ordenimen, medaldarmen marapattalǵan.