Erjan Babaqumarov: Almatyda epıdjaǵdaı turaqty

ALMATY. QazAqparat - Almatyda KVI-diń táýliktik ósimi 25 tamyzdan bastap 1,16-dan 0,2%-ǵa deıin azaıdy. Qalada ınfektsııanyń tómendeýi shamamen 74 paıyzǵa jetti. Bul týraly QR Prezıdenti janyndaǵy Ortalyq kommýnıkatsııalar qyzmetiniń baspasóz máslıhatynda Erjan málim etti, dep habarlaıdy QazAqparat tilshisi.

Onyń aıtýynsha, Almatyda epıdjaǵdaı turaqty.

«Qazirgi tańda jaǵdaı turaqtandy. Biz jetkilikti deńgeıde aqparattandyrý jumystaryn júrgizýdemiz. Sol sebepti protsester ashyq ótýde. Jumys júıesi Memleket basshysynyń strategııalyq mindetteri men nusqaýyna saı jalǵasýda. Biz VAK jáne Densaýlyq saqtaý mınıstrligimen tyǵyz baılanystamyz», -deıdi Almaty qalasy ákiminiń orynbasary.

Almaty ákimi orynbasarynyń málimetinshe, aǵymdaǵy jyldyń basynan beri koronavırýs ınfektsııasy 152 myń adamnan anyqtalǵan.

«2020 jyldyń jazynda jáne 2021 jyldyń basynda biz «ýhan» shtammymen baılanysty eki tolqynnan óttik. 2021 jyldyń kókteminde – «alfa» shtammymen týyndaǵan tolqyn. 19 shildede «delta» shtammynan týyndaǵan ınfektsııanyń eń aýyr tolqyny bastaldy. Búgin biz osy tolqynnan shyqtyq», - dedi ol.

Sonymen qatar Erjan Babaqumarov vaktsınatsııa naýqanynyń qalaı júrip jatqanyn aıtty.

«Vaktsına – biz úshin strategııalyq másele. Almaty qalasynda vaktsına naýqany aqpan aıynda bastalǵan. Biz sol kezde vaktsına júrgizý protsesiniń qurylymyn daıyndap qoıdyq. 250 egý pýnkti daıyndaldy. Qazirgi tańda 160 pýnkt jumys atqaryp jatyr. 1000-nan astam medıtsınalyq qyzmetkerler jumys isteýde. Sonymen qatar qala boıynsha 237 egý brıgadasy qyzmet etip jatyr», - Erjan Babaqumarov.

Onyń sózinshe, pandemııany tótep berýdiń birden bir jol ekpe alý.

«Biz vaktsına egý naýqanynyń arqasynda qala halqy 1,5 aıdyń ishinde pandemııanyń kezekti tolqynyn jeńip shyqty. Pandemııanyń birinshi jáne ekinshi tolqynyndaǵy epıdemıologııalyq tirkelgen jaǵdaılarmen salystyratyn bolsaq, vaktsınatsııalaý oń nátıje bergen», -deıdi Almaty ákiminiń orynbasary.