Erjan Babaqumarov Almaty turǵyndaryn MÁMS júıesimen qamtýdy keńeıtýdi tapsyrdy
Otyrysta Almatyda MÁMS-ti iske asyrý barysy, halyqtyń saqtandyrý mártebesin jáne jumys berýshiler men bıznes sýbektileri qyzmetkerleriniń derekterin aıqyndaý boıynsha júrgizilip jatqan jumys qaraldy.
Qalanyń densaýlyq saqtaý salasyn qarjylandyrý halyqtyń ósimin jáne tegin medıtsınalyq kómektiń kepildik berilgen kólemi sheńberinde jáne MÁMS júıesinde halyqqa kórsetiletin medıtsınalyq qyzmetterdiń qajettiligin eskere otyryp qalyptastyrylǵan. Saqtandyrylǵan halyqtyń úlesin arttyrý máselelerine erekshe nazar aýdarylyp otyr.
«Almaty boıynsha jyl sońyna deıin MÁMS tóleýden bosatylǵan shaǵyn jáne orta bıznes sýbektileriniń sany 116 604-ti quraıdy. Onyń 59 799–y nemese 51,3% - y derekterdi aktýalızatsııalady. 56 805 (48,7%) - tizimderdi aktýalızatsııany jasamady. Búgingi tańda 137 iri bıznes sýbektisiniń 129-y tizimderdi aktýalızatsııa jasady nemese aýdarymdar men jarnalardy tóledi, al tizimderdi ózektendirmegen 8 iri bıznes sýbektisi qalyp otyr. Jumys berýshiler ShOB qyzmetkerleriniń saqtandyrylý mártebesi boıynsha júrgizilip jatqan jumystyń mańyzdylyǵyn túsinýi qajet», - dep «Áleýmettik medıtsınalyq saqtandyrý qory» KEAQ Almaty qalasy boıynsha fılıalynyń dırektory Tileýhan Ábildaev.
Ol ózektilendirilgen derekterdiń bolmaýyna baılanysty birqatar qala turǵyndarynyń júıeden tys qalýy múmkin ekenin atap ótti.
Óz qyzmetkerlerin saqtandyrý úshin jyl sońyna deıin jeńildikter berilgen jumys berýshiler jarnalardyń bolmaýyna qaramastan, qyzmetkerlerdiń derekterin msb.fms.kz. saıtyna engizýleri tıis. Aldaǵy ýaqytta bul qyzmetkerler MÁMS júıesindegi barlyq qyzmetterdi kedergisiz ala alady.
Sondaı-aq, dıspanserlik esepte turǵan patsıentterdi ambýlatorııalyq dári-dárimekpen qamtamasyz etý máseleleri qaraldy.
Onlaın-otyrystyń qorytyndysy boıynsha qala ákiminiń orynbasary Erjan Babaqumarov aýdan ákimdikterine Almaty qalasynyń áleýmettik ál-aýqat, kásipkerlik jáne ınvestıtsııalar basqarmalarymen birlesip, ózin-ózi jumyspen qamtyǵan jáne jeńildik sanattaǵy halyqty ózektendirýdi qamtamasyz etýdi tapsyrdy. 2020 jyldyń sońyna deıin MÁMS úshin aýdarymdar men jarnalardy tóleýden bosatylǵan ShOB sýbektilerimen jumysty kúsheıtýdi mindettedi. Sonymen qatar, medıtsınalyq uıymdardyń basshylaryna aldaǵy 2021 jyl qarsańynda dárilik zattardyń qajetti kólemin sapaly josparlaýdy baqylaýǵa alýdy tapsyrdy.
«Áleýmettik medıtsınalyq saqtandyrý qory» KEAQ Basqarma tóraǵasynyń orynbasary Lázzat Aqtaeva 2021 jyldyń 1 qańtarynan bastap pandemııadan kóbirek zardap shekken salalarda jumys isteıtin ShOB sýbektilerine MÁMS jarnalaryn tóleýden bosatylǵan kezeń aıaqtalatynyn eske saldy.