Erulan Jamaýbaevtyń ornyn Mádı Tákıev basty

<p>Qarjy mınıstri laýazymyna Mádı Tákıev taǵaıyndaldy.&nbsp;</p>

«Memleket basshysynyń Jarlyǵymen Mádı Tókeshuly Takıev Qazaqstan Respýblıkasynyń Qarjy mınıstri laýazymyna taǵaıyndaldy», — dep jazdy Aqordanyń resmı saıty.

1978 jyly 1 sáýirde Almaty oblysy Balqash aýdany Baqanas aýylynda dúnıege kelgen.

1998 jyly Qazaq memlekettik basqarý akademııasyn «Býhgalterlik esep jáne aýdıt» mamandyǵy boıynsha bitirgen. 2005 jyly D. Qonaev atyndaǵy gýmanıtarlyq ýnıversıtetin «Quqyqtaný» mamandyǵy boıynsha bitirgen. 2011 jyly Halyqaralyq bıznes ýnıversıtetiniń Іskerlik ákimshilendirý magıstri dıplomyn aldy.

Eńbek jolyn 1998 jyly QR Ǵylym mınıstrligi – Ǵylym Akademııasynyń memleket jáne quqyq ınstıtýtynda bas esepshisi bolyp bastaǵan.

2000-2008 jyldary – Almaty qalasy boıynsha Salyq komıtetiniń ınspektory, jetekshi, bas salyq ınspektory, ShKS jumys, aýdıt jónindegi bólimderdiń basshysy.

2008-2009 jyldary – Almaty oblysy boıynsha Salyq departamentiniń Aktsızderdi ákimshilendirý basqarmasynyń basshysy.

2009-2012 jyldary – Almaty qalasy boıynsha Salyq departamenti basshysynyń orynbasary.

2012-2013 jyldary – QR QM Salyq komıtetiniń Basqarma basshysy.

2013-2014 jyldary – QR Ulttyq ekonomıka mınıstrliginiń Salyq jáne keden saıasaty departamentiniń dırektory.

2014 jyly – QR Premer-Mınıstri Keńsesiniń Áleýmettik-ekonomıkalyq bóliminiń bas konsýltanty.

2014-2017 jyldary – Atyraý oblysy boıynsha Memlekettik kirister departamentiniń basshysy.

2017-2019 jyldary – QR Qarjy mınıstrligi Memlekettik kirister komıtetiniń Salyqtyq baqylaý departamentiniń dırektory.

2019-2020 jyldary – QR Ulttyq ekonomıka vıtse-mınıstri.

2020-2023 jyldary – QR Prezıdenti Ákimshiliginiń Áleýmettik-ekonomıkalyq monıtorıng bóliminiń meńgerýshisi.

2023 jylǵy naýryzdan bastap – VII saılanǵan QR Parlamenti Májilisiniń depýtaty, QR Parlamenti Májilisiniń Qarjy jáne bıýdjet komıtetiniń tóraǵasy, QR Parlamenti Májilisindegi «AMANAT» partııasy fraktsııasynyń múshesi. «Eren eńbegi úshin» memlekettik nagradasymen (2014), «Qurmet» ordenimen (2021), sondaı-aq mereıtoılyq medaldarmen jáne vedomstvolyq nagradalarmen marapattalǵan.

Qazaq, orys, aǵylshyn tilderin meńgergen. Úılengen, úsh uly bar.