Erulan Jamaýbaev jekeshelendirýge qatysty Esep komıtetiniń synyna jaýap berdi
«Esep komıteti Jekeshelendirýdiń keshendi jospary tómen deńgeıde iske asyrylǵanyn da atap ótti. Bul kórsetkish 62% qana boldy delingen. Shyn máninde, jospardyń is júzinde oryndalýy 93,4% deńgeıinde qamtamasyz etildi. Josparda barlyǵy 864 obektini satý kózdelgen bolatyn. Al atqarylýy 807 obektini qurady: 506-sy satyldy, 301-i qaıta uıymdastyryldy nemese taratyldy. Birqatar kásiporyndar boıynsha neǵurlym muqııat daıyndyq qajettiligine jáne naryqtyń qolaısyz konıýktýrasyna baılanysty jekeshelendirý merzimin neǵurlym keıingi kezeńge aýystyrýǵa qatysty tıisti sheshim qabyldanǵanyn atap ótý qajet», - dedi E. Jamaýbaev Úkimet pen Esep komıtetiniń 2020 jylǵa arnalǵan respýblıkalyq bıýdjettiń atqarylýy týraly esepterin qaraý kezinde.
Onyń aıtýynsha, qalǵan kásiporyndar 2021 – 2025 jyldarǵa arnalǵan jekeshelendirýdiń keshendi josparyna engizildi.
Budan buryn habarlanǵandaı, Qarjy mınıstri Ulttyq qordyń ósýine yqpal etetin qadamdy aıtty.