Erulan Jamaýbaev jeke tulǵalardyń bankrottyǵy rásimderiniń 3 túrin atady

ASTANA. QazAqparat – Jeke tulǵalardyń bankrottyǵy rásimderiniń 3 túri qoldanylady. Bul týraly Úkimet otyrysynda QR Premer-Mınıstriniń orynbasary – Qarjy mınıstri Erulan Jamaýbaev aıtty, dep habarlaıdy QazAqparat tilshisi.

«Jeke tulǵalardyń bankrottyǵy men tólem qabilettigin qalpyna keltirýge qatysty búgingi tańda zań jobasy Parlamentte talqylanyp jatyr. Halyqaralyq tájirıbeni eskere otyryp, jeke tulǵalardyń bankrottyǵy rásimderiniń mynadaı 3 túri qoldanylatyn bolady: sottan tys bankrottyq; sot bankrottyǵy. Bul rette boryshkerdiń múlki saýda-sattyqta satylatyn bolady. Tólem qabilettiligin qalpyna keltirý rásimi - turaqty kiris bolǵan jaǵdaıda sotta boryshtaryn bólip-bólip tóleý múmkindigin kózdeıdi», - dedi mınıstr.

Onyń atap ótýinshe, ótinishterdi óńdeý protsesin avtomattandyrý boıynsha jumystar belsendi júrgizilip jatyr.

«Barlyq qajetti zańǵa táýeldi normatıvtik quqyqtyq aktiler qysqa merzimde qabyldanatyn bolady. Memleket basshysynyń qalǵan tapsyrmalary boıynsha múddeli memlekettik organdarmen birlesip keshendi jumys júrgiziledi», - dedi Erulan Jamaýbaev.

Foto: t.me/Kzgovernment