Erulan Jamaýbaev memleket qaryzyna qatysty túsinik berdi

NUR-SULTAN. QazAqparat – Búgin Senattyń jalpy otyrysynda 2021 jylǵy respýblıkalyq bıýdjettiń atqarylýy týraly esepti qaraý kezinde Premer-Mınıstrdiń orynbasary – Qarjy mınıstri Erulan Jamaýbaev memleket boryshyn basqarý máselesine qatysty túsinik berdi, dep habarlaıdy QazAqparat tilshisi.

«Memleket boryshynyń ósýi respýblıkalyq bıýdjet tapshylyǵyn jabý qajettiligimen jáne mańyzdy áleýmettik jobalardy qarjylandyrý úshin qaryz alýmen baılanysty boldy. Degenmen, búgingi tańda memleket boryshy qaýipsiz deńgeıde saqtalyp, jalpy ishki ónimge shaqqanda 27,4 paıyzdy quraıdy», - dedi E. Jamaýbaev.

Onyń aıtýynsha qaryzdy basqarýdy odan ári jetildirý úshin tıisti sharalar qabyldanady. Birinshiden, bıýdjet tapshylyǵy kezeń-kezeńimen azaıatyn bolady, bul boryshtyń ósý qarqynyn tómendetýge yqpal etedi. Ekinshiden, ákimshilendirýdi jaqsartý jáne tsıfrlandyrý nátıjesinde salyq túsimderin birtindep ulǵaıtý josparlanyp otyr. Úshinshiden, qaryz alý kezinde ishki naryqtyń ótimdiligi barynsha paıdalanylatyn bolady.

«Budan basqa, zańnamada syrtqy qaryz qarajatyn ýaqytyly ıgermegeni úshin memlekettik organnyń birinshi basshysynyń jaýapkershiligin belgileý jóninde norma qabyldanǵanyn atap ótý qajet. Jalpy, Úkimet júıeli túrde memlekettik jáne memleket kepildik bergen boryshty, sondaı-aq kvazımemlekettik sektordyń boryshyn qalyptastyrýǵa jáne basqarýǵa baqylaýdy kúsheıtetin bolady», - dedi Premer-Mınıstrdiń orynbasary.