Erulan Jamaýbaev bólingen qarjyny ıgere almaǵan mınıstrlikterdi atady

NUR-SULTAN. QazAqparat – 2021 jyldyń 1-toqsanynda 3 mınıstrlik respýblıkalyq bıýdjetten bólingen qarjyny ıegere almady. Bul týraly búgin Úkimet otyrysynda QR Qarjy mınıstri Erulan Jamaýbaev aıtty, dep habarlaıdy QazAqparat tilshisi.

«Memlekettik bıýdjettiń shyǵystary 99,5, respýblıkalyq bıýdjettiń shyǵystary – 99,8, jergilikti bıýdjetterdiń shyǵystary 99,1 paıyzǵa atqaryldy. Ótken jyldyń uqsas kezeńimen salystyrǵanda bıýdjetterdiń barlyq deńgeılerinde atqarylý kórsetkishi joǵary. Respýblıkalyq bıýdjet boıynsha somasy 3,5 trln teńgege shyǵystar júrgizildi. Atqarylmaý 7 mlrd teńgeni qurady. Onyń ishinde 4 mlrd teńge - únemdeý. 3 mlrd teńge ıgerilmegen», - dedi Erulan Jamaýbaev.

Onyń atap ótýinshe, ıgerilmeýdiń neǵurlym iri somalary Qarjy, Mádenıet jáne sport, Ádilet mınıstrlikteri jáne Qarjy naryǵyn retteý jáne damytý agenttiginde qalyptasyp otyr.

«Igerilmeýdiń negizgi sebepteri: konkýrstyq rásimderdi uzaq ýaqyt ótkizý jáne ýaqtyly ótkizbeý, tólem naqty kórsetilgen qyzmet, jumys kólemi boıynsha júrgizilýi, bıýdjettik baǵdarlamalar (kishi baǵdarlamalar) boıynsha normatıvtik quqyqtyq aktilerdi ýaqtyly qabyldamaý, sotta memlekettiń múddesin qorǵaý jónindegi talap-aryz jumystarynyń júrgizilýi», - dedi ol.