Erulan Jamaýbaev aýdıtorlyq is-sharalar qorytyndylaryn jarııalady

NUR-SULTAN. QazAqparat – QR Qarjy mınıstrliginiń alqa májilisinde vedomstvo basshysy Erulan Jamaýbaev byltyr bolǵan aýdıtorlyq is-sharalar qorytyndylaryn jarııalady, dep habarlaıdy QazAqparat tilshisi.

Memlekettik aýdıtke toqtalǵan mınıstr, 2020 jyly kameraldyq baqylaýmen 10,4 trln teńgeniń 1,4 mln memlekettik satyp alý rásimderi qamtylǵanyn aıtty. Osy oraıda 983 mlrd teńgege talaptardy buzýshylyqtarǵa jol berilmedi.

«Aýdıtorlyq is-sharalar qorytyndylary boıynsha

251 mlrd teńgege qarjylyq buzýshylyqtar anyqtaldy, onyń 75 paıyzy býhgalterlik esep pen qarjylyq eseptilikti júrgizý kezindegi ereje buzý jaǵdaıyna tıesili. Taýarlar jetkizýmen, qyzmetter kórsetýmen jáne jumystar oryndaýmen qalpyna keltirý, bıýdjetke óteý jáne esep boıynsha kórsetý jolymen 237 mlrd teńgege talaptardy buzýshylyqtar joıyldy», - dedi E. Jamaýbaev.

Onyń aıtýynsha, atalǵan kemshilikter úshin 2 349 laýazymdy tulǵa jaýapkershilikke tartyldy. Aýdıt nysandary qyzmetiniń tıimdiligin arttyrý úshin shamamen 2 myńǵa jýyq usynym berildi.