Ertýǵan Zeınýllınovke Azııa oıyndarynyń qola júldesi berile me – UOK málimdeme jasady

<p><strong>ASTANA. KAZINFORM &ndash; Qazaqstan buqaralyq aqparat quraldarynda Hanchjoýda ótken Azııa oıyndarynda bokstan Qazaqstan quramasynyń múshesi Ertýǵan Zeınýllınovke qola medal beriledi degen aqparat tarady. Bul sheshim 1/4 fınalynda bizdiń boksshydan basym túsken Mońǵolııa sportshysy Chınzorıg Baatarsýhtyń dıskvalıfıkatsııasyna baılanysty qabyldandy dep aıtyldy.</strong></p>

Alaıda, Qazaqstannyń Ulttyq Olımpıadalyq komıteti (UOK) bul aqparattyń resmı emes ekenin málimdeıdi.

Chınzorıg Baatarsýhtyń dıskvalıfıkatsııasy týraly aqparat International Testing Agency saıtynda jarııalanǵan. Mońǵol boksshysy 2023 jyldyń 4 qazanyndaǵy dopıng-synamasynda tyıym salynǵan zattardyń anyqtalýyna baılanysty sporttan 4 jylǵa shettetilgen.

Aıta keteıik, Zeınýllınov pen Baatarsýh arasyndaǵy shırek fınaldyq jekpe-jek 1 qazanda ótti.

Sonymen qatar Baatarsýhtyń bul sheshimge qatysty sporttyq arbıtrajdyq sotqa (CAS) 21 kúnniń ishinde shaǵymdanýǵa quqyǵy bar.

Qazirgi ýaqytta Qazaqstannyń UOK Azııa Olımpıadalyq Keńesine (OAK) 63,5 kelige deıingi salmaq dárejesindegi medaldardy qaıta bólý máselesi boıynsha suraý joldady. Bul salmaqta mońǵolııalyq sportshy altyn medal ıelengen edi.

Búginde Azııa Olımpıadalyq keńestiń halyqaralyq normalary men reglamentterge sáıkes bokstan medaldardy qaıta bólý tájirıbesiniń qoldanylýyna qatysty resmı hat kútilýde. Atap aıtsaq, osy sport túrindegi medal jeńip alǵan sportshylar tizimine ózgeris engizý múmkindigi týraly jáne Ertýǵan Zeınýllınovke Azııa oıyndarynyń qola júldesin berý yqtımaldyǵy týraly ókiletti organ túsinikteme berýi tıis. 

Qazirgi ýaqytta medaldardy qaıta bólý týraly resmı sheshim qabyldanbaǵandyqtan, bul máselege qatysty kez kelgen aqparatty rastalmaǵan dep sanaýǵa bolady.