ASTANA. KAZINFORM — Halyqaralyq boks assotsıatsııasy (IBA) aıasynda Dýbaıda (BAÁ) ótip jatqan álem chempıonatynda 7 jeltoqsanda el quramasynan Ertýǵan Zeınýllınov (63,5 keli) synǵa tústi.
Qazaqstandyq bylǵary qolǵap sheberi alǵashqy jekpe-jeginde mońǵolııalyq Davaadal Altangerelmen qolǵap túıistirdi. Jekpe-jek barysynda ol qarsylasynan jınaqy qımyl kórsetti.
Soqqyny kóbirek jumsady. Qarsylasyn úsh márte nokdaýnǵa túsirdi. Osylaısha mońǵolııalyq boksshyny tize búktirip, jarystyń kelesi satysyna shyqty.
Endi el quramasynan Abylaıhan Júsipov (70 keli) armenııalyq Ararat Arýtıýnıanmen qolǵap túıistiredi.
Aıta ketsek, qazirge deıin el quramasynan Danııal Sábıt (51 keli), Sáken Bıbosynov (54 keli), Orazbek Asylqulov (57 keli), Serik Temirjanov (60 keli), Sanatáli Tóltaev (67 keli), Sabyrjan Aqqalyqov (75 keli), Erasyl Jaqpekov (80 keli), Dáýlet Tólemisov (86 keli), Nýrmagamed ıÝsýpov (92 keli) jarysty jalǵastyrýǵa múmkindik aldy.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.